ا ق ش- تىڭ اتوم سۇڭگۋىر قايىعى تاياۋ شىعىسقا قاراي جىلجىپ كەلەدى
وتكەن ءتۇنى ا ق ش قارۋلى كۇشتەرىنىڭ ورتالىق قولباسشىلىعى (CENTCOM) تاياۋ شىعىسقا يادرولىق قارۋ جەتكىزۋگە قابىلەتتى «وگايو» ساناتىنداعى سۇڭگۋىر قايىقتى جونەلتەتىنىن حابارلادى.
kazinform اگەنتتىگى بۇل تۋرالى BBC- ءدىڭ تەلەگرامداعى پاراقشاسىنا سىلتەمە جاساپ حابارلايدى.
اسكەري ۆەدومستۆو ءوز مالىمدەمەسىندە باسقا مالىمەتتەر كەلتىرگەن جوق، الايدا ول سۋەتس كانالىمەن ءجۇزىپ كەلە جاتقان سۇڭگۋىر قايىقتىڭ سۋرەتىن جاريالادى.
«وگايو» ساناتىنداعى سۇڭگۋىر قايىقتىڭ ورنالاسقان جەرى تۋرالى حابارلاما سيرەك كەزدەسەدى، سەبەبى ولار سونداي- اق جەردەگى بالليستيكالىق زىمىراندار مەن ستراتەگيالىق بومبالاۋشى ۇشاقتارداعى يادرولىق بومبالار دا كىرەتىن ا ق ش «يادرولىق ۇشتىگىنىڭ» ءبىر بولىگىن قۇرايدى.
وگايو ساناتىنداعى بىرنەشە سۇڭگۋىر قايىق يادرولىق زاريادتار ورنىنا قاناتتى زىمىراندار تاسىمالدايدى جانە ولاردى ارنايى وپەراتسيالىق كۇشتەردىڭ بولىگى رەتىندە ورنالاستىرۋعا بولادى. قازىرگى ۋاقىتتا تاياۋ شىعىستا جۇمىس ىستەپ جاتقان سۇڭگۋىر قايىقتا يادرولىق وقتۇمسىقتاردىڭ بار- جوعى بەلگىسىز.
ا ق ش بۇعان دەيىن بۇل ايماقتا بۇرىن سۇڭگۋىر قايىقتارىن ورنالاستىرعان. جەكسەنبى كۇنى جاسالعان مالىمدەمە يرانمەن قاتىناستىڭ شيەلەنىسۋىمەن تۇسپا- تۇس كەلگەن. بۇعان دەيىن حابارلانعانداي، بايدەن اكىمشىلىگى ايماقتىق سەرىكتەستەرى ارقىلى يران مەن «حەزبوللاعا» ەگەر ولار يزرايلگە قارسى شابۋىل جاساسا، اقش ولارعا قارسى اسكەري ارالاسۋعا دايىن ەكەندىگى تۋرالى حابارلامالار جىبەرگەن بولاتىن.
جەكسەنبىدە ا ق ش- تىڭ ورتالىق قولباسشىلىعى سونداي- اق تاياۋ شىعىستاعى يادرولىق قارۋ تاسىمالداۋعا قابىلەتتى B-1 بومبالاۋشى ۇشاعىنىڭ سۋرەتىن جاريالادى.
بۇعان دەيىن پرەزيدەنت بايدەن جەرورتا تەڭىزىنە ەكى اۆياتاسىمالداعىش توبىن جىبەرگەن.
