ا ق ش- تىڭ 14 شتاتى دونالد ترامپ پەن يلون ماسكقا قارسى شاعىم ءتۇسىردى
استانا. KAZINFORM - ولار يلون ماسكتىڭ ۇكىمەتتىڭ تيىمدىلىك دەپارتامەنتىنىڭ (DOGE) باسشىسى رەتىندەگى رولىنە نارازى، دەپ حابارلايدى ABC News.
- ماسكتىڭ شەكسىز ءارى باقىلاۋسىز بيلىگى ۇكىمەتتى جۇمىس ورىندارىنان ايىرادى، بۇتىندەي ءبىر دەپارتتامەنتەردى قالامنىڭ ۇشىمەن جوق قىلۋ ەلدىڭ تاۋەلسىزدىگىن جەڭىپ العانداردى تاڭداي قاقتىرار ەدى، - دەلىنگەن ۆاشينگتون سوتىنا بەيسەنبى كۇنى بەرىلگەن شاعىمدا.
نيۋ-مەكسيكو شتاتىنىڭ سوتى ماسك سياقتى ماڭىزدى جانە وكىلەتتى ادامدى پرەزيدەنت كونستيتۋتسياعا ساي رەسمي تۇردە تاعايىنداۋى جانە ونى ا ق ش سەناتى بەكىتۋى كەرەك دەپ مالىمدەيدى.
- نيۋ-مەكسيكو باس پروكۋرورى مەن اريزونا، ميچيگان، مەريلەند، ميننەسوتا، كاليفورنيا، نيەۆادا، ۆەرمونت، كوننەكتيكۋت، رود-ايلەند، ماسساچۋسەتس، ورەگون، ۆاشينگتون جانە گاۆاي وكىلدەرىنىڭ ارىزىندا: - مەملەكەتتىك بيلىكتى رەسمي تۇردە سايلانباعان ادامنىڭ قولىنا شوعىرلاندىرۋدان ارتىق دەموكراتياعا قاۋىپ جوق، - دەلىنگەن.
سونىمەن قاتار، USAID- تىڭ 26 بەلسەندىسى جانە بۇرىنعى قىزمەتكەرى بەيسەنبى كۇنى ماسكقا قارسى ايىپ تاعىپ، سوتقا جۇگىندى. مەريلەند شتاتىنىڭ فەدەرالدى سوتىنا بەرىلگەن بۇل تالاپ ماسكقا جانە ونىڭ قاراماعىنداعىلارعا، ەگەر ماسكتى ترامپ رەسمي تۇردە ۇسىنباسا جانە ونى سەنات بەكىتپەسە، بيۋجەتتى قىسقارتۋدى جالعاستىرۋعا تىيىم سالۋدى تالاپ ەتتى.
ماسكتىڭ ءوزى جانە ترامپ اكىمشىلىگى جانە DOGE جاي عانا ۇكىمەتتىڭ ۇلكەن شىعىندارىمەن جانە فەدەرالدى اگەنتتىكتەردەگى ىقتيمال جەمقورلىقپەن كۇرەسىپ جاتقانىن ايتادى.
اق ءۇيدىڭ باسپا ءسوز حاتشىسى كەرولاين ليەۆيتتىڭ ايتۋىنشا، ماسك «بارلىق قولدانىستاعى فەدەرالدى زاڭدارعا سايكەس» قىزمەت ەتىپ جاتىر.
بۇعان دەيىن نيۋ-يوركتەگى فەدەرالدى سۋديا يلون ماسكتىڭ DOGE مەملەكەتتىك تولەم جۇيەسىنە قول جەتكىزۋىن ۋاقىتشا شەكتەگەن بولاتىن.
وسىعان دەيىن ۆاشينگتونداعى USAID شتاب-پاتەرى جابىلاتىنى تۋرالى جازدىق.
ساۋدا جانە ينتەگراتسيا ۆيتسە-ءمينيسترى قايرات تورەبايەۆ ا ق ش حالىقارالىق دامۋ اگەنتتىگىنىڭ جۇمىسىن توقتاتۋى قازاقستاندا باستالىپ كەتكەن جوبالارعا قالاي اسەر ەتىپ جاتقانى تۋرالى پىكىر ءبىلدىردى.
