ا ق ش- تان ەسىرتكى سالىنعان ويىنشىقتارعا تاپسىرىس بەرگەن ادام 10 جىلعا سوتتالدى
ا ق ش- تان ەسىرتكىگە تاپسىرىس بەرگەن قازاقستان ازاماتى 10 جىل 6 ايعا سوتتالدى. بۇل تۋرالى ق ر باس كولىك پروكۋراتۋراسىنىڭ باسپا ءسوز قىزمەتى حابارلادى.
باسپا ءسوز قىزمەتىنىڭ مالىمەتتەرىنە قاراعاندا، 2023-جىلدىڭ سوڭىندا القابيلەر ءىرى كولەمدەگى ەسىرتكى كونترابانداسىمەن اينالىسقان ازامات ا. -عا قاتىستى ايىپتاۋ ۇكىمىن شىعاردى.
ۇكىم بويىنشا كىنالى تۇلعا سوت ۇكىمىمەن 10 جىل 6 ايعا باس بوستاندىعىنان ايىرىلدى.
مەملەكەتتىك ايىپتاۋشى سوتقا ايىپكەردىڭ ا ق ش- تان حالىقارالىق پوشتا جونەلتىلىمدەرى ارقىلى ىشىنە ەسىرتكى سالىنعان بالالاردىڭ ويىنشىقتارىنا تاپسىرىس بەرگەنى جانە العانى تۋرالى بۇلتارتپاس دالەلدەر كەلتىردى. ەسىرتكى قازاقستان اۋماعىندا ساتۋ جانە ودان ماتەريالدىق پايدا تابۋ ماقساتىندا الىنىپ كەلىنگەن.
ۇكىم زاڭدى كۇشىنە ەنگەن جوق.
«وتكەن جىلدان باستاپ القابيلەردىڭ قاتىسۋىمەن قارالاتىن اسا اۋىر قىلمىستىق ىستەردىڭ تىزبەسى كەڭەيتىلدى. ولاردىڭ قاتارىنا ەسىرتكى قۇرالدارى مەن پسيحوتروپتىق زاتتاردىڭ زاڭسىز اينالىمىمەن بايلانىستى قىلمىستىق قۇقىقبۇزۋشىلىقتار دا ەندى»، - دەلىنگەن باسپا ءسوز-بايانىندا.
