ا ق ش-تان مۇحتار ماعاۋيننىڭ جۇبايى كەلدى: جازۋشىنىڭ 40 كۇندىك اسى بەرىلدى
استانا. قازاقپارات - الماتىدا قازاق ادەبيەتىنىڭ كورنەكتى وكىلى، ۇلى جازۋشى مۇحتار ماعاۋيننىڭ قىرىق كۇندىك اسى بەرىلدى، دەپ حابارلايدى Azattyq Rýhy.
جۋرناليست جانار بايسەمىز جازۋشىنىڭ جۇبايى اسقا ارنايى كەلگەنىن اتاپ ءوتتى.
«زۋلاعان ۋاقىت… اڭىز ادام مۇحتار ماعاۋيننىڭ ومىردەن وتكەنىنە دە قىرىق كۇن بولدى. ماعاۋيندەر اۋلەتى الماتىدا جازۋشىنىڭ قىرقىن وتكىزدى. ا ق ش-تان مۇحتار ماعاۋيننىڭ جۇبايى باقىتجامال اپامىز كەلىپ، ەل-جۇرتىمەن جۇزدەستى.
ادامنىڭ ارمانى تاۋسىلعان با؟! جازۋشى ءومىرىنىڭ سوڭعى ساتتەرىندە: «كىشى نەمەرەم التى-جەتى جاسقا تولعاندا كەتسەم، ماڭگىلىك ەسىندە قالار ەدىم دەپتى»، - دەپ جازدى جۋرناليست.
