وڭتۇستىك كورەيا پرەزيدەنتىنىڭ قايىن ەنەسى باس بوستاندىعىنان ايىرىلدى
بەيسەنبى كۇنى وڭتۇستىك كورەيانىڭ جوعارعى سوتى ەل پرەزيدەنتى يۋن سوك ەلدىڭ قايىن ەنەسىنە جەر تەلىمىن ساتىپ الۋ كەزىندە پايدالانعان بانك قۇجاتىن قولدان جاساعانى ءۇشىن ءبىر جىلعا باس بوستاندىعىنان ايىرۋ جازاسىن بەكىتتى، دەپ حابارلايدى Kazinform Yonhap سايتىنا سىلتەمە جاساپ.
ءبىرىنشى حانىم كيم كون حيدىڭ 76 جاستاعى اناسى چحۆە ىن سۋن 2013 -جىلى سەۋلدىڭ وڭتۇستىگىندەگى سوننام قالاسىنان جىلجىمايتىن مۇلىك ساتىپ الۋ كەزىندە بانك بالانسى تۋرالى جالعان انىقتاما پايدالانعان دەپ ايىپتالدى. جالعان قۇجات ونىڭ شوتىنا سول جىلدىڭ ءساۋىر ايىنان قازان ايىنا دەيىن 34,9 ميلليارد ۆون (26,7 ميلليون دوللار) ۇلەس قوسقانىن كورسەتتى.
2021 -جىلدىڭ جەلتوقسان ايىندا اۋداندىق سوت چحۆە ىن سۋندى قاماۋعا الماستان، ءبىر جىلعا باس بوستاندىعىنان ايىرۋ تۋرالى ۇكىم شىعاردى. الايدا اپەللياتسيالىق سوت بيىلعى جىلدىڭ شىلدەسىندە باس بوستاندىعىنان ايىرۋ جازاسىن راستاعاننان كەيىن ونى قاماۋعا الۋ تۋرالى ۇكىم شىعاردى. ءوزىنىڭ كىناسىز ەكەنىن العا تارتقان چحۆە سوت ۇكىمىمەن كەلىسپەيتىنىن ايتتى.
