ا ق ش- تان اسىپ ءتۇسۋ نەمەسە ونىڭ ورنىن باسۋ ويىمىزدا جوق - شي جينپيڭ

تاراپتار نەگىزگى ماسەلەلەردىڭ ءبىرى - اسكەري ۆەدومستۆولار اراسىنداعى بايلانىستى جاڭعىرتۋ بويىنشا كەلىسىمگە كەلدى. بۇل مەحانيزم قاتەلىكتەر مەن بايقاۋسىزدار اسكەري قاقتىعىستىڭ شىعىپ كەتۋىنە جول بەرمەۋى كەرەك.

ەكى ەل 2022 -جىلدىڭ تامىزىندا ا ق ش- تىڭ وكىلدەر پالاتاسىنىڭ سپيكەرى نەنسي پەلوسي تايۆانعا بارعاننان كەيىن ۇزىلگەن بايلانىستى قالپىنا كەلتىرىپ جاتىر.

سونداي- اق فەنتانيل ەسىرتكىسىنىڭ زاڭسىز تارالۋىمەن كۇرەسۋدە تاراپتاردىڭ كوزقاراسى ورتاق. ولار فەنتانيلگە ارنالعان پرەكۋرسور وندىرەتىن ناقتى ءبىر كومپانيالارعا ىقپال ەتىپ، ولاردىڭ سانىن قىسقارتۋ جوسپارى بويىنشا جۇمىس ىستەيدى. جىل سايىن ەسىرتكىنىڭ وسى تۇرىنەن ون مىڭداعان امەريكالىق قازا تابادى.

سونىمەن قاتار تاراپتار جاساندى ينتەللەكت پەن كليمات ماسەلەلەرىمەن بىرىگىپ جۇمىس ىستەۋگە كەلىستى.

كۇن تارتىبىندەگى كۇردەلى ماسەلە - تايۆان بولدى. قىتاي كوشباسشىسى امەريكا- قىتاي قارىم- قاتىناسىندا تايۆان ۇنەمى «ەڭ ماڭىزدى ءارى نازىك ماسەلە» بولعانىن اتاپ ءوتتى. شي جينپيڭ ا ق ش- تى تايۆاندى قارۋمەن جابدىقتاۋدى توقتاتىپ، «قىتايدىڭ بەيبىت جولمەن بىرىگۋىن» قولداۋعا شاقىردى.

ال امەريكالىق تاراپ قىتايدان تايۆاندا 2024 -جىلدىڭ قاڭتارىندا وتەتىن سايلاۋ الدىنداعى پروتسەسكە قۇرمەتپەن قاراۋدى سۇرادى.

سونىمەن قاتار دجو بايدەن ۇستالعان ا ق ش ازاماتتارىنا، ادام قۇقىقتارى مەن «وڭتۇستىك قىتاي تەڭىزىندەگى ءماجبۇرلى ءىس- قيمىلعا» قاتىستى قىتاي ارەكەتىنە الاڭداپ وتىرعانىن جەتكىزدى.

قىتاي كوشباسشىسى شي جينپيڭ قۇراما شتاتتاردى «قىتايدى باسىپ تاستاۋدى نەمەسە ۇستاپ تۇرۋدى جوسپارلاماۋعا» شاقىردى.

— قۇراما شتاتتاردان اسىپ ءتۇسۋ نەمەسە ورنىن باسۋ قىتاي جوسپارىندا جوق، سول سەبەپتى ا ق ش- تىڭ قىتايدى باسىپ تاستاۋ نەمەسە ۇستاپ تۇرۋدى جوسپارلاماعانى ابزال. ەكى تاراپ تا ءبىر- ءبىرىنىڭ پرينتسيپى مەن تۇپكى ماقساتىن ءتۇسىنۋى كەرەك، الاۋىزدىق پەن ماسەلە تۋدىرماي، شەكارادان وتپەي، ونىڭ ورنىنا جيىرەك ديالوگ پەن پىكىرتالاس وتكىزىپ، كەلىسپەۋشىلىك پەن قايعىلى وقيعالارعا سابىرمەن قاراۋ قاجەت، - دەپ مالىمدەدى شي جينپيڭ.

ا ق ش پرەزيدەنتى دجو بايدەن مەن قىتاي ءتوراعاسى شي جينپيڭنىڭ كاليفورنياداعى كەزدەسۋى وتكىر پايىمدارعا جانە ەكى باسشى اراسىنداعى پىكىرتالاسقا تولى بولعان.

تاراپتار ءوزارا قۇرمەت كورسەتۋ، بەيبىت ءومىر ءسۇرۋ، بايلانىستى ساقتاپ تۇرۋ جانە قاقتىعىستى بولدىرماۋ قاجەت ەكەنىن اتاپ ءوتتى.

اتلانتيكالىق كەڭەستىڭ ەۋرازيالىق ورتالىعىنىڭ عىلىمي قىزمەتكەرى مارك تەمنيتسكي (Mark Temnycky) كەزدەسۋ جاھاندىق ينفلياتسيا، الەمدىك ازىق- تۇلىك داعدارىسى مەن باسقا دا حالىقارالىق ماسەلەلەرگە قارسى كۇرەس تاسىلدەرىن ىزدەپ جاتقان كەزدە، شيەلەنىسكە تولى تاريحي ساتتە وتكەنىن ايتتى. ەكى ەل اراسىندا بۇعان دەيىن تۇسىنىسپەۋشىلىك بولعانىنا قاراماستان، الەم كوشباسشىلارى ەكى ءىرى دەرجاۆانىڭ قارىم- قاتىناسىن جاقسارتۋعا نيەتتى. سونىمەن قاتار ساراپشى الەمدەگى كۇردەلى جانجالداردى شەشۋدە ا ق ش- قا قىتايدىڭ ىقپالى قاجەت ەكەنىن اتاپ ءوتتى.

شي جينپيڭ «جەر عالامشارى ۇلكەن، ەكى ەل دە جەتىستىككە جەتە الادى» دەپ تۇيىندەدى ءسوزىن.

اۆتور

بالنۇر قوجاگەلدى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى