ا ق ش- تاعى وزبەك ميگرانتتارى دجو بايدەندى سوتقا بەردى
تاشكەنت. KAZINFORM - مەكسيكا ارقىلى ا ق ش- قا بارعان وزبەكستان ازاماتتارى ەل پرەزيدەنتى دجو بايدەندى سوتقا بەردى، دەپ حابارلايدى Kazinform اگەنتتىگىنىڭ تاشكەنتتەگى مەنشىكتى ءتىلشىسى ءاليحان اسقار.
وزبەكستاننىڭ سىرتقى ىستەر مينيسترلىگىنە قاراستى Daryo اقپارات اگەنتتىگىنىڭ مالىمەتىنشە، ا ق ش- تىڭ ءتۇرلى يمميگراتسيالىق ورتالىقتارىندا وتىرعان 35 وزبەكستان ازاماتى ارىز تۇسىرگەن.
قازىر ولار سوت ارقىلى ا ق ش پرەزيدەنتى دجو بايدەنگە، ىشكى قاۋىپسىزدىك مينيسترلىگىنىڭ حاتشىسى الەحاندرو مايوركاسقا، يمميگراتسيا جانە كەدەن قىزمەتى ديرەكتورىنىڭ مىندەتىن اتقارۋشى پاتريك لەيححايتنەرگە تالاپ قويىپ وتىر. وزبەكستاندىقتار وزدەرىنىڭ ۇستالۋىن زاڭسىز دەپ تانۋدى سۇرايدى. ويتكەنى ول ۇلتتىق كەمسىتۋشىلىك بولىپ سانالادى. سونىمەن قاتار ولار ادۆوكاتقا جۇمسالعان شىعىنداردى وتەپ بەرۋدى تالاپ ەتكەن.
«ءبىز دەمالىس كۇنى سوتقا جۇگىندىك جانە ول قازىرگى ۋاقىتتا قارالىپ جاتىر. سوت بۇل ءوتىنىشتى جۇيەگە ەنگىزدى، كەلەسى قادام - ۇكىمەتتىڭ اتالعان شەشىمدى قابىلداۋى. كەيىن ءبىز ءىستى جۇرگىزەتىن سۋديانىڭ تاعايىندالۋىن كۇتەمىز»، - دەدى ادۆوكات ابادير باررە.
سونداي- اق قۇجاتتا وزبەكستاندىقتار تالاپقا ساي كەلمەيتىن تەرگەۋ يزولياتورلارىندا وتىرعانىن جانە ادۆوكاتپەن كەزدەسۋ شەكتەلگەنىن اتاپ وتكەن.
