ا ق ش-تاعى مەيرامحانا بۋرگەرلەردى 100 جىل بويى ءبىر مايعا قۋىرىپ كەلگەن

Dyer’s Burgers  ءجۇز  جىلدان بەرى بۋرگەرلەرىن ءبىر مايعا قۋىرىپ كەلە جاتقان ايگىلى مەمفيس مەيرامحاناسى. وسى ەرەكشە ءتاسىلى ونىڭ بۋرگەرلەرىنىڭ ءدامدى بولۋىنىڭ قۇپياسى سانالادى.

مەيرامحانانى 1912 -جىلى ەلمەر «دوك» دايەر اشقان. ونىڭ ارنايى دامدەۋىشتەرى قوسىلعان رەتسەپتىنىڭ ارقاسىندا بۋرگەرلەر ۇلكەن سۇرانىسقا يە بولعان. الايدا تاعامنىڭ ەرەكشە تانىمالدىلىققا يە بولۋىنا ءبىر وقيعا سەبەپ بولدى. ءبىر كۇنى اسپاز مايدى اۋىستىرۋدى ۇمىتىپ كەتەدى، ال كەلەسى كۇنى كەلگەن كليەنت بۋرگەردى جەپ كورىپ: «ومىرىمدەگى ەڭ ءدامدى بۋرگەر!» دەپ تاڭدانىسىن بىلدىرگەن. سودان بەرى سول ماي اۋىستىرىلماعان.

مەيرامحانانىڭ قازىرگى يەسى كەندالل روبەرتسوننىڭ ايتۋىنشا، سول كۇننەن بەرى بارلىق بۋرگەرلەر سول 1912 -جىلعى مايدا دايىندالادى. بۇل ءالى دە 1912 -جىلدان قالعان مولەكۋلالار، - دەيدى ول. ماي ۇدايى سۇزگىدەن وتكىزىلىپ، تازالانىپ، قايتادان دامدەۋىشتەرمەن تولىقتىرىلادى.

Dyer’s Burgers-تە بۋرگەرلەر الدىمەن ەتتىڭ دومالاق بولىگى رەتىندە دايىندالىپ، اعاش بالعامەن تەگىستەلەدى، سودان كەيىن شويىن تاباعا قۇيىلعان مايعا قۋىرىلىپ پىسەدى. بۋرگەرلەر وتە جۇقا بولعاندىقتان، كوپتەگەن كليەنتتەر ەكى نەمەسە ءۇش قاباتتى بۋرگەر سۇرايدى، سەبەبى بىرەۋى جەتكىلىكسىز بولۋى مۇمكىن.

كەيبىر كليەنتتەر 100 جىلدىق مايدىڭ قۇپياسىن بىلە تۇرا، كەرىسىنشە، بۋرگەرلەردى تولىعىمەن - توقاشتارىمەن قوسا - مايعا قايتا باتىرىپ بەرۋدى سۇرايدى.

ايتا كەتسەك، ۇزاق ۋاقىت بويى ءبىر مايدى نەمەسە سورپانى قولدانۋ الەمدە كەڭ تارالعان تاجىريبە. مىسالى، تاي مەيرامحانالارىنىڭ ءبىرى 50  جىلدان استام ۋاقىت ءبىر سورپانى پايدالانسا، جاپونيانىڭ Otafuku دەپ اتالاتىن ەڭ كونە مەيرامحانالارىنىڭ ءبىرى -  1945 -جىلدان بەرى ءبىر سورپامەن تاعام ازىرلەپ كەلەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى