ا ق ش-تا سۋ تاسقىنىنان قازا تاپقاندار سانى 21 ادامعا جەتتى
استانا. KAZINFORM - امەريكانىڭ كەنتۋككي شتاتىندا قاتتى سۋ تاسقىنى سالدارىنان قازا تاپقاندار سانى 21 ادامعا جەتتى، دەپ حابارلايدى NBC News.
لۋيسۆيلدەگى ۇلتتىق مەتەورولوگيالىق قىزمەتىنىڭ كەڭسەسى حابارلاعانداي، وسى اپتادا اۋا رايى جىلى، قۇرعاق بولادى دەپ بولجانىپ وتىر. بۇل شتاتتاعى جاعدايدى جاقسارتۋعا سەپتىگىن تيگىزەدى.
660 قا جۋىق تۇرعىن ءالى كۇنگە دەيىن جارىقسىز قالعان. شتات بويىنشا 100 دەن استام جول جابىق، كەنتۋككيلىك 600 گە جۋىق تۇرعىن قوناقۇيلەردە، مەكتەپتەردە جانە شىركەۋلەردە پانالاپ ءجۇر، دەپ حابارلادى گۋبەرناتور ەندي بەشير.
- كەنتۋككي سوڭعى جىلدارى بولعان ەڭ ۇلكەن تابيعي اپاتتاردىڭ ءبىرىن باستان وتكەردى، ونىڭ زارداپتارى بۇكىل شتاتتا سەزىلدى، - دەپ جازدى ەندي بەشير.
شتات اپات سالدارىن جويۋعا كومەك كورسەتۋ ءۇشىن فەدەرالدى ماقۇلداۋدى كۇتىپ وتىر.
بۇعان دەيىن حابارلانعانداي، ءبىر اپتا بۇرىن ا ق ش- تىڭ كەنتۋككي شتاتىندا ادامدار سۋ دەڭگەيىنىڭ تەز كوتەرىلۋىنەن زارداپ شەكتى. مىڭنان استام قۇتقارۋ وپەراتسياسى جۇرگىزىلدى، سەگىز ادامنىڭ قازا تاپقانى راستالدى.
