ا ق ش-تا ەر ادام ءوزىن جاس ءوسپىرىم قىلىپ كورسەتىپ مەكتەپكە ءبىر جىل بويى بارعان

ەر ادام 2019 -جىلدىڭ قىركۇيەگىندە امەريكاعا كەلگەن، الايدا قاراشادا ونىڭ ۆيزاسىنىڭ مەرزىمى اياقتالۋى ءتيىس ەدى. ەلگە قايتۋدىڭ ورنىنا ول جالعان قۇجاتتار ساتىپ الىپ، ءوزىن كامەلەتكە تولماعان جاس ءوسپىرىم رەتىندە كورسەتكەن.

سەررا ءوزىن ۆەنەسۋەلادا ادام ساۋداسىنان قاشىپ كەلگەن پاناسىز جاس ءوسپىرىم رەتىندە تانىستىرىپ، سوت ارقىلى قامقورشىلارعا بەكىتىلگەن. وسىدان كەيىن ول پەرريسبەرگتەگى ورتا مەكتەپتە ساباققا قاتىسىپ، سپورتتىق ءىس-شارالارعا دا ارالاسقان. 14 اي بويى «قوس ءومىر» سۇرگەن سەررا ەشقانداي كۇدىك تۋدىرماعان.

الايدا ءبارى كۇتپەگەن جەردەن اشكەرەلەندى: ونىڭ قامقورشىلارىمەن ەر ادامنىڭ بالاسىنىڭ اناسى بايلانىسقا شىققان. ول سەررانىڭ شىن جاسىن جانە وتباسىلى ەكەنىن ايتقان. قامقورشىلار سەنبەي، ونىڭ بولمەسىن ءتىنتىپ كورگەن.

ءتىنتۋ كەزىندە ماتراستىڭ استىنان اقشا، تاپانشا، وعان ارنالعان ءۇش وقجاتار، تەلەفون جانە جالعان جۇرگىزۋشى كۋالىگى تابىلدى. قۇجاتتا ول 1999 -جىلى تۋعانى كورسەتىلگەن. قامقورشىلار دەرەۋ مەكتەپ پەن پوليتسياعا حابارلاعان.

قازىر سەرراعا 30 جىلعا دەيىن باس بوستاندىعىنان ايىرۋ قاۋپى ءتونىپ تۇر.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى