ا ق ش- تا شامامەن بىرنەشە مىڭعا جۋىق قازاقستاندىق زاڭسىز ءجۇر - س ءى م
استانا. KAZINFORM - قازاقستاننىڭ سىرتقى ىستەر مينيسترلىگى ا ق ش-تا زاڭسىز جۇرگەن قازاقستاندىقتارعا قاتىستى تاعى دا تۇسىنىك بەردى.
- ءبىزدىڭ رەسمي دەرەك بويىنشا ا ق ش- تا 3600-گە جۋىق قازاقستان ازاماتى تۇر. ولار كونسۋلدىقتا رەسمي ەسەپكە تۇرعان، ولاردىڭ قۇجاتى دۇرىس. ال زاڭسىز جۇرگەندە كەلسەك، لوگيكالىق تۇرعىدا ولاردىڭ سانىن ءبىز بىلمەيمىز، سەبەبى ولار زاڭسىز ءجۇر. شامامەن 100-دەن بىرنەشە مىڭ ادامعا دەيىن بولۋى مۇمكىن. دەپورتاتسيا - كەز كەلگەن ەلدىڭ كوشى-قون قىزمەتىنىڭ زاڭدى ءارى قالىپتى شاراسى. ەگەر ادام كوشى-قون زاڭىن بۇزسا، ول دەپورتاتسيالاۋعا جاتادى، - دەدى مينيسترلىكتىڭ رەسمي وكىلى ايبەك سمادياروۆ ب ا ق وكىلدەرىنىڭ ساۋالىنا جاۋاپ بەرە تۇرىپ.
سونداي-اق سىرتقى ىستەر مينيسترلىگىنىڭ رەسمي وكىلى ا ق ش-تا زاڭسىز جۇرگەن قازاقستاندىقتارعا كەڭەس بەردى.
- ءبىزدىڭ زاڭسىز بارعان ازاماتتارعا ءبىر عانا كەڭەس، ا ق ش اۋماعىنان شىققاندارىڭىز دۇرىس بولادى. ءسىز ەگەر كوشى-قون پوليتسياسىنىڭ قولىنا تۇسسەڭىزدەر، ول ەل اۋماعىنا كىرۋگە تىيىم سالىنادى. دۇرىسى قازاقستانعا كەلىپ، ۆيزاعا نەمەسە گرين-كارتاعا زاڭدى تۇردە قۇجات تاپسىرۋ قاجەت، - دەدى ول.
جىل باسىندا دونالد ترامپتىڭ ميگراتسيالىق ساياساتى قازاقستانعا قالاي اسەر ەتەتىنى تۋرالى جازعان ەدىك.
قاڭتاردىڭ سوڭىندا ەلىمىزدىڭ سىرتقى ىستەر مينيسترلىگى قازاقستان ازاماتتارىن ا ق ش- تان شىعارىپ جىبەرۋ تۋرالى اقپاراتتىڭ جوقتىعىن حابارلادى.
اۆتور
داۋلەت ىزتىلەۋ
