ا ق ش-تا دەموگرافيالىق ءوسىم باسەڭدەدى
ا ق ش- تا كەيىنگى 20 جىلدا حالىقتىڭ دەموگرافيالىق ءوسىمى باسەڭدەپ، ەڭ تومەنگى دەڭگەيگە ءتۇستى. بىلتىر قۇراما شتاتتاردا 3,5 ميلليون ءسابي دۇنيەگە كەلدى.
ياعني امەريكالىق وتباسىلاردىڭ تەك 20 پايىزى عانا بالالى بولعان. ءتىپتى حالىق سانىنىڭ ازايۋىنا الاڭداعان پرەزيدەنت ترامپ ءسابي سۇيە الماي جۇرگەن جۇپتار ءۇشىن قولدان ۇرىقتاندىرۋ پروتسەدۋراسىنىڭ باعاسىن ارزانداتتى. بالا تۋۋعا ۇگىتتەۋ ءۇشىن قارجىلاي سىياقى تاعايىندادى. الايدا ساراپشىلار ماسەلە اقشامەن شەشىلمەيدى. «اۋەلى بالا كۇتىمىنە بايلانىستى بەرىلەتىن دەمالىستى ۇزارتۋ»، - قاجەت دەيدى. ا ق ش- تا دەكرەتتىك دەمالىس 3 اي عانا مەرزىم.
كاررەن گۋتستسو، سولتۇستىك كارولينا ۋنيۆەرسيتەتىنىڭ دەموگرافى:
- قازىر ا ق ش- تاعى بالا تۋۋ كوەففيتسيەنتى 1,6 عا تەڭ. بۇل - قۇراما شتاتتار تاريحىنداعى ەڭ تومەنگى كورسەتكىش. كەز كەلگەن ەلدىڭ دەموگرافيالىق جاعدايى تۇراقتى بولۋى ءۇشىن ءار ايەلگە شاققاندا بالا سانى 2,1 دەن كەم بولماۋعا ءتيىس. امەريكاعا شەتتەن كىرىپ جاتقاندار كوپ. حالىق سانىن تۇراقتاندىرۋعا تەك وسى عانا سەپ بولىپ وتىر.
2050 -جىلعا قاراي الەمدە الپىستى القىمداعان قارت كىسىلەردىڭ سانى 2 ميللياردتان اسادى. بۇل جەر بەتىندەگى ءاربىر بەسىنشى ادام دەگەن ءسوز. وسىلايشا، كورسەتكىش جاستار سانىنان اسىپ تۇسەدى. مۇنى بىرىككەن ۇلتتار ۇيىمى مالىمدەدى. قازىر اسىرەسە ازيا مەن كارى قۇرلىق تۇرعىندارى تەز قارتايىپ بارادى. "بۇعان ءومىر ءسۇرۋ ۇزاقتىعىنىڭ ارتۋى، ەكىنشىدەن تۋۋ كورسەتكىشىنىڭ تومەندەۋى سەبەپ»، - دەيدى ساراپشىلار.
https://24.kz
