ا ق ش-تا ءبىر كۇن ىشىندە 1000 التىن كارتا ساتىلدى
ا ق ش-تىڭ ساۋدا ءمينيسترى گوۆارد ليۋتنيكتىڭ مالىمدەۋىنشە، ول ءبىر كۇن بۇرىن ءارقايسىسى 5 ميلليون دوللار تۇراتىن 1000 يمميگراتسيالىق «التىن كارتانى» ساتقان. بۇل تۋرالى Kazinform اگەنتتىگىنىڭ مەنشىكتى ءتىلشىسى حابارلادى.
ا ق ش-تىڭ ساۋدا ءمينيسترى گوۆارد ليۋتنيك «All-In Podcast» باعدارلاماسىندا ءسوز سويلەپ، الەمدە 37 ميلليون تابىستى ادامنىڭ «التىن كارتانى» ساتىپ الۋعا مۇمكىندىگى بار ەكەنىن مالىمدەدى. پرەزيدەنت دونالد ترامپتىڭ پىكىرىنشە، ا ق ش 1 ميلليون وسىنداي كارتانى ساتىپ، 5 تريلليون دوللار تابىس تابا الادى.
- الەمدە 37 ميلليون ادام بۇل كارتانى ساتىپ الاتىن جاعدايى بار. پرەزيدەنت ءبىز ميلليونىن ساتا الامىز دەپ ەسەپتەيدى، - دەدى گوۆارد ليۋتنيك.
ءارقايسىسى 5 ميلليون دوللار تۇراتىن «التىن كارتا» باعدارلاماسى شەتەلدىك ازاماتتارعا ا ق ش-تا تۇراقتى تۇرۋ قۇقىعىن بەرەدى جانە قولدانىستاعى EB-5 ينۆەستورلىق ۆيزاسىنىڭ ورنىنا ۇسىنىلىپ وتىر.
پروتسەستى وڭتايلاندىرۋ ءۇشىن يلونا ماسكتىڭ كومانداسى ارنايى باعدارلامالىق پلاتفورمانى ازىرلەپ جاتىر، ول شامامەن ەكى اپتادان كەيىن ىسكە قوسىلادى.
- بۇگىننەن باستاپ شامامەن ەكى اپتا ىشىندە ول [باعدارلاما] قولدانىسقا ەنگىزىلەدى. يلون مەن ءۇشىن باعدارلامالىق قامتاماسىز ەتۋ ازىرلەپ جاتىر، سودان كەيىن ول ىسكە قوسىلادى، - دەدى گوۆارد ليۋتنيك.
بۇعان دەيىن ترامپ كونگرەستە ينفلياتسيامەن كۇرەس شارالارىنىڭ ءبىرى رەتىندە «التىن كارتالاردى» شىعارۋ جانە ساتۋ باستاماسىن كوتەرگەن بولاتىن. بۇل باعدارلاما تابىستى ادامداردىڭ ا ق ش-تا جۇمىس ورىندارىن اشىپ، سالىق تولەۋىنە مۇمكىندىك بەرمەك.
