ا ق ش-تا اتى اڭىزعا اينالعان بالۋان جانە كينواكتەر دۇنيەدەن ءوتتى

ب ا ق- تىڭ حابارلاۋىنشا، جەدەل جاردەم ونى فلوريداداعى ۇيىنەن الىپ كەتكەن. اۋرۋحانادا ونىڭ جۇرەك توقتاۋىنا بايلانىستى كوز جۇمعانى راستالدى.

سپورتشىنىڭ دەنساۋلىعىنا قاتىستى ماسەلەلەر بۇرىن دا بىرنەشە رەت ايتىلعان بولاتىن - سوڭعى ايلاردا ول بىرنەشە وپەراتسيانى باستان وتكەرگەن.

حالك حوگاننىڭ شىن اتى - تەرري دجين بوللەا. ول بۇل لاقاپ ەسىمدى 1977 -جىلى بالۋاندىق مانسابىن باستاعاننان كەيىن العان. 1980-جىلداردىڭ باسىندا-اق حوگاننىڭ تانىمالدىعى ارتىپ، كەيبىر ساراپشىنىڭ پىكىرىنشە، ول كۇرەستى تەك اياسى تار شەڭبەردەگى سپورت تۇرىنەن كوپشىلىككە ارنالعان وتباسىلىق شوۋعا اينالدىرعان.

حوگان - ءارى بالۋان، ءارى جۇرگىزۋشى رەتىندە 80-جىلدارداعى شوۋ-بيزنەس جۇلدىزدارىنىڭ ءبىرى بولدى جانە كەيىن دە تانىمالدىلىعىن جوعالتپادى. الايدا 2015 -جىلى ونىڭ رۇقساتىنسىز جازىلىپ، جاريالانعان ءناسىلشىل پىكىرلەرى ونىڭ بەدەلىنە نۇقسان كەلتىردى.

حالك حوگان ءوزىنىڭ تانىمالدىعى مەن ەرەكشە كەلبەتىنىڭ ارقاسىندا كينو مەن تەلەديداردا دا كورىندى. ول العاش رەت 1982 -جىلى «روككي 3» فيلمىندە دەبيۋت جاسادى. كەيىن «ەرەجەسىز جەكپە-جەك»، «قالا ماڭىنداعى كوماندو»، «بالا كۇتۋشى مىرزا»، «كۇشتى سانتا-كلاۋس» سىندى فيلمدەردە وينادى. سونىمەن قاتار «ماليبۋ قۇتقارۋشىلارى»، «قاتال ۋوكەر» سياقتى تەلەسەريالداردا ەپيزودتىق رولدەردە بوي كورسەتتى جانە بىرنەشە فيلم مەن سەريالدى ءوزى پروديۋسەرلىك ەتتى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى