ا ق ش سيرياداعى 75 تەن استام نىساناعا سوققى بەردى
استانا. KAZINFORM - ا ق ش اسكەريلەرى سيرياداعى 75 تەن استام نىساناعا، سونىڭ ىشىندە «يسلام مەملەكەتى» حالىقارالىق لاڭكەستىك ۇيىمىنىڭ (قازاقستاندا تىيىم سالىنعان - رەد. ) لاگەرلەرى مەن سودىرلارىنا بىرنەشە ونداعان اۋە سوققىسىن جاسادى، دەپ حابارلايدى Azerbaycan 24.
بۇل تۋرالى «X» الەۋمەتتىك جەلىسىندە ا ق ش قارۋلى كۇشتەرى ورتالىق قولباسشىلىعى (CENTCOM) مالىمدەدى.
«CENTCOM كۇشتەرى 8 -جەلتوقساندا دايش لاگەرلەرى مەن سودىرلارىن تالقانداۋ ماقساتىمەن بىرنەشە ونداعان دالدىگى جوعارى اۋە شابۋىلىن جاسادى»، - دەلىىنگەن جاريالانىمدا.
وپەراتسيا بارىسىندا B-52 ستراتەگيالىق بومبالاۋشى ۇشاقتارى، F-15 جويعىش ۇشاقتارى جانە ا-10 شابۋىلداۋ ۇشاقتارى ارقىلى 75 تەن استام نىساناعا سوققى جاسالدى.
ەسكە سالا كەتەيىك، بۇعان دەيىن يزرايل اسكەرى گولان سىرتىنداعى سيريا اۋماعىنا كىرگەنىن جازعان ەدىك.
