ا ق ش سوتى ماسكتىڭ مەملەكەتتىك قىزمەتكەرلەردى جۇمىستان شىعارۋىنا قارسى بولمايدى

ا ق ش-تىڭ كولۋمبيا وكرۋگتىك سوتىنىڭ فەدەرالدىق سۋدياسى تانيا چۋتكان دۇيسەنبىدە وتكەن سوت وتىرىسىندا DOGE- گە فەدەرالدى قىزمەتكەرلەردى جۇمىستان شىعارۋ تۋرالى كادرلىق شەشىم قابىلداۋعا تىيىم سالۋ تۋرالى بۇيرىق شىعارار الدىندا قانداي زيان تيگىزگەنىن دالەلدەر ارقىلى كورۋ كەرەك ەكەنىن مالىمدەدى، دەپ حابارلايدى NBC News.

بەيسەنبىدە 14 شتاتتىڭ (نيۋ- مەكسيكو، اريزونا، ميچيگان، كاليفورنيا، كوننەكتيكۋت، گاۆاي، مەريلەند، ماسساچۋسەتس، ميننەسوتا، نيەۆادا، ورەگون، رود- ايلەند، ۆەرمونت جانە ۆاشينگتون) باس پروكۋرورلارى DOGE- نىڭ ۇكىمەتتىڭ قۇپيا دەرەكتەرىنە قول جەتكىزۋىنە قارسى سوتقا شاعىم ءتۇسىردى، دەپ ءمالىم ەتتى CBS News.

فەدەرالدى شىعىنداردى قىسقارتۋعا كۇش سالعان ماسك ا ق ش قىسقارتۋسىز «بانكروتقا ۇشىرايتىنىن» ەسكەرتتى. ول «سايلانباعان» بيۋروكراتيا دەپ اتالاتىن بيلىككە قارسى كۇرەسەتىنىن العا تارتتى.

ەڭبەك ستاتيستيكاسى بيۋروسىنىڭ (BLS) مالىمەتىنشە، فەدەرالدى ۇكىمەت 2024 -جىلدىڭ قاراشاسىندا 3 ميلليوننان استام ادامدى جۇمىسقا الدى، ولاردىڭ ىشىندە 600 مىڭى – ا ق ش پوشتا قىزمەتىنىڭ جۇمىسكەرلەرى، دەپ حابارلايدى Pew Research Center.

مەملەكەتتىك قىزمەتكەرلەردىڭ سانى ونداعان جىل بويى تۇراقتى تۇردە ءوستى. 2000 -جىلدىڭ قاراشاسىندا فەدەرالدى جۇمىسپەن قامتۋ (پوشتا قىزمەتىن قوسپاعاندا) BLS مالىمەتىنشە 1855900 ادامدى قۇرادى. سودان بەرى بۇل سان جىل سايىن %1- دان ءسال عانا ارتىپ، 2024 -جىلدىڭ ناۋرىزىندا 2405100 ادامعا جەتتى.

ەسكە سالا كەتسەك، بۇعان دەيىن ماسك بارلىق جەردە رەجيمدى وزگەرتۋگە ۇمتىلماي، ا ق ش- تاعى «اگەنتتىكتەردى جويۋعا» شاقىردى.

اۆتور

زارينا تۋعانبايەۆا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى