ا ق ش سەناتى گوۆارد ليۋتنيكتى ساۋدا ءمينيسترى ەتىپ بەكىتتى
استانا. KAZINFORM – ا ق ش ساۋدا مينيسترلىگىنىڭ باسشىسى لاۋازىمىنا گوۆارد ليۋتنيكتىڭ كانديداتۋراسىن 45-كە قارسى داۋىسپەن 51 سەناتور ماقۇلدادى، دەپ حابارلايدى The New York Times.
ترامپتىڭ اۋىسىپ جاتقان كومانداسىنىڭ تەڭ ءتوراعاسى قىزمەتىن اتقارعان ليۋتنيك كەڭ اۋقىمدى جاۋاپكەرشىلىكتەرى بار ۇلكەن دەپارتامەنتتى باسقارادى.
ساۋدا مينيسترلىگى ساناق بيۋروسىن، ۇلتتىق مەتەورولوگيالىق قىزمەتىن، پاتەنت جانە تاۋار بەلىلەرى كەڭسەسىن، ۇلتتىق مۇحيتتىق جانە اتموسفەرالىق باسقارمانى، ەكونوميكالىق تالداۋ بيۋروسىن جانە ۇلتتىق ازشىلىق بيزنەسىن دامىتۋ اگەنتتىگىن باسقارادى.
دەپارتامەنتتە شامامەن 47 مىڭ قىزمەتكەر بار جانە 2025 قارجى جىلىنا ۆەدومستۆو 11,4 ميلليارد دوللار كولەمىندە بيۋدجەت سۇرادى.
«Cantor Fitzgerald» قارجىلىق قىزمەت كورسەتۋ كومپانياسىنىڭ بۇرىنعى باس ديرەكتورى ليۋتنيك ترامپ كابينەتىنىڭ 17- راستالعان مۇشەسى بولدى.
دجو بايدەن تۇسىندا دەموكراتيالىق پارتيا باسقارعان سەنات كابينەتتىڭ 17 ءمينيسترىن بەكىتۋگە 56 كۇن جۇمسادى. ترامپ باسقاراتىن رەسپۋبليكاشىل سەنات بۇل كورسەتكىشكە نەبارى 29 كۇندە جەتتى.
وسىعان دەيىن كەش پاتەلدىڭ ا ق ش فەدەرالدى تەرگەۋ بيۋروسىنا باسشىلىق ەتەتىنى تۋرالى جازدىق.
اۆتور
زارينا تۋعانبايەۆا
