ا ق ش پرەزيدەنتى يزرايلگە جاسالعان لاڭكەستىك ارەكەتتى ايىپتادى
سەنبى كۇنى ا ق ش پرەزيدەنتى دجو بايدەن يزرايلگە جاسالعان لاڭكەستىك ارەكەتتى ايىپتاپ مالىمدەمە جاسادى. قازاقپارات ءتىلشىسى بۇل تۋرالى اق ۇيگە سىلتەمە جاساپ حابارلايدى.
سەنبى كۇنى تاڭەرتەڭ دج. بايدەن مەن يزرايل پرەمەر- ءمينيسترى ب. نەتانياحۋ يزرايلدەگى جان تۇرشىگەرلىك قارۋلى شابۋىلدار تۋرالى تەلەفون ارقىلى سويلەستى.
بايدەن قۇراما شتاتتار حاماس لاڭكەستەرىنىڭ گازادان يزرايلگە جاساعان وسى جان تۇرشىگەرلىك شابۋىلىن ءسوزسىز ايىپتايتىنىن اتاپ ءوتىپ، پرەمەر- مينيستر نەتانياحۋعا اق ءۇيدىڭ يزرايل ۇكىمەتى مەن حالقىنا بارلىق ءتيىستى قولداۋ قۇرالدارىن ۇسىنۋعا دايىن ەكەنىن ايتتى. مالىمدەمەدە «تەرروريزم ەشقاشان اقتالا المايدى. ءيزرايلدىڭ ءوزىن جانە حالقىن قورعاۋعا قۇقىعى بار» دەلىنگەن.
ا ق ش يزرايلمەن دۇشپاندىق قارىم- قاتىناستاعى كەز كەلگەن ءۇشىنشى تاراپقا جاعدايدى ءوز پايداسىنا شەشۋگە جول بەرمەيتىنىن ەسكەرتتى. بايدەن ءوز اكىمشىلىگىنىڭ يزرايلدىڭ قاۋىپسىزدىگىن تاباندى تۇردە قولدايتىنىن مالىمدەدى.
ا ق ش باسشىسى ءبىرىنشى حانىم دجيلل ەكەۋى وسى زورلىق- زومبىلىقتان زارداپ شەككەن بارلىق وتباسىلار ءۇشىن دۇعا ەتەتىنىن ايتتى.
«قايعىلى قازاعا جۇرەگىمىز اۋىرىپ، زارداپ شەككەندەردىڭ بارلىعىنىڭ تەزىرەك ساۋىعىپ كەتۋىنە ءۇمىت ارتامىز»، - دەدى دجو بايدەن مالىمدەمەسىندە.
ا ق ش ۇكىمەتى يزرايلدەگى جاعدايدى ءجىتى باقىلاپ وتىر جانە پرەمەر- مينيستر ب. نەتانياحۋمەن تىعىز بايلانىستا بولادى.
اۆتور
ايدار وسپاناليەۆ
