ا ق ش پرەزيدەنتى دجو بايدەن يزرايلگە باردى

ۇشاقتان تۇسكەن پرەزيدەنت بايدەن يزرايل پرەمەر-ءمينيسترى بينيامين نەتانياحۋ مەن يزرايل پرەزيدەنتى يسااك گەرتسوگتى قۇشاقتاپ، ا ق ش ەلشىلىگىنىڭ ۋاقىتشا سەنىمدى وكىلى ستەفاني حاللەتپەن قول الىسىپ، امانداستى.

كيربيدىڭ جۋرناليستەرگە حابارلاۋىنشا، بايدەن ءوز ساپارىن پرەمەر-مينيستر بينيامين نەتانياحۋمەن كەزدەسۋدەن باستاپ، ودان كەيىن يزرايلدىڭ اسكەري كابينەتىمەن كەزدەسۋ وتكىزەدى.

«ول بىرنەشە كۇردەلى سۇراق قويادى. سونىڭ ىشىندە يزرايلدىڭ بولاشاق جوسپارلارى تۋرالى سۇراقتار بار»، - دەدى كيربي.

كيربيدىڭ سوزىنشە، پرەزيدەنت بايدەن قاقتىعىستىڭ ۋشىعۋىن قالامايتىنىن، گازا سەكتورىنداعى گۋمانيتارلىق جاعدايدى، سونداي-اق تۇتقىندار ماسەلەسىن شەشۋگە نيەتتى ەكەنىن اتاپ ءوتۋدى جوسپارلاپ وتىر.

بايدەننىڭ ساپارى وتكەن تۇندە گازا سەكتورىنداعى اۋرۋحانادا جۇزدەگەن ادامنىڭ ءومىرىن قيعان جارىلىستان كەيىن تاياۋ شىعىستا باستالعان نارازىلىق شەرۋلەرىمەن تۇسپا-تۇس كەلىپ وتىر. پالەستينانىڭ رەسمي وكىلدەرى «جارىلىس «يسلامدىق جيھاد» زىمىرانىنىڭ اسەرىنەن بولعانىن» مالىمدەگەن يزرايلدى ايىپتادى.

سارسەنبىدە يزرايل اسكەريلەرى نىسانعا يزرايلدىڭ اۋە شابۋىلىن جاساۋ مۇمكىندىگىن جوققا شىعاراتىن اۋديو جانە ۆيزۋالدى دالەلدەمەلەردى ۇسىندى.

يزرايل 7- قازاندا 1400 ادامنىڭ ءومىرىن قيعان شابۋىلدارعا جاۋاپ رەتىندە گازا سەكتورىن باقىلاپ وتىرعان حاماس توبىن جويۋعا ۋادە بەردى. پالەستينانىڭ دەنساۋلىق ساقتاۋ سالاسى وكىلدەرىنىڭ مالىمەتىنشە، گازا سەكتورىندا كەمىندە 3 مىڭ ادام قازا تاپتى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى