ا ق ش پرەزيدەنتى بارشانى ناۋرىز مەرەكەسىمەن قۇتتىقتادى
استانا. KAZINFORM - دونالد ترامپ مەرەكەلىك جولداۋىندا پارسى حالقىنا ەرەكشە نازار اۋداردى، دەپ حابارلايدى Kazinform ءتىلشىسى.
ترامپ امەريكا قۇراما شتاتتارى اتىنان جىلى لەبىزىن ءبىلدىردى.
- ا ق ش- تا جانە بۇكىل الەمدە ەجەلگى ناۋرىز مەيرامىن تويلاپ جاتقان بارشا جانعا ەڭ جىلى تىلەگىمدى جولدايمىن. ناۋرىز - پارسى حالقى ءۇشىن كوكتەمنىڭ باستالۋى مەن پارسى جاڭا جىلىن بىلدىرەتىن قۋانىشتى مەرەكە. بۇل ەجەلدەن كەلە جاتقان ءداستۇر وتكەن جىلدىڭ بەرەكەسىن وي ەلەگىنەن وتكىزىپ، الداعى كوكتەمگە جاڭارعان وپتيميستىك رۋحپەن دايىندالۋعا مۇمكىندىك بەرەدى.
پارسى حالقى ءوزىنىڭ جارقىن مادەنيەتىمەن جانە عىلىم، زاڭ، تەحنولوگيا جانە ونەر سالالارىنداعى ەرەكشە تالانتىمەن قوعامعا ەلەۋلى ۇلەس قوسىپ كەلەدى. امەريكا قۇراما شتاتتارىنىڭ اتىنان بارشاڭىزدى وسى قۋانىشتى مەرەكەمەن قۇتتىقتايمىن، - دەلىنگەن اق ءۇي حابارلاماسىندا.
اۆتور
ەركەجان سماعۇلوۆا
