ا ق ش پەن يران كەلىسسوزى ەۋروپالىق مۇددەلەرگە ساي بولۋى ءتيىس - فرانسيا س ءى م
استانا. KAZINFORM - كەلىسسوزدىڭ كەلەسى راۋندى ەۋروپادا وتەدى، دەپ حابارلايدى Kazinform مەنشىكتى ءتىلشىسى.
فرانسيا، ۇلى بريتانيا جانە گەرمانيا ەلدەرى ا ق ش جانە يران اراسىنداعى تالقىلاۋلاردى ولاردىڭ ەۋروپالىق مۇددەلەرگە سايكەس بولۋىن قامتاماسىز ەتۋ ءۇشىن مۇقيات قاداعالايتىن بولادى. بۇل تۋرالى دۇيسەنبىدە فرانسيانىڭ سىرتقى ىستەر ءمينيسترى جان-نوەل باررو مالىمدەدى.
- ءبىز بريتاندىق جانە نەمىس دوستارىمىز جانە سەرىكتەستەرىمىزبەن ا ق ش پەن يران اراسىندا ءوتۋى ءتيىس كەز كەلگەن يراننىڭ يادرولىق باعدارلاماسىنا قاتىستى ءبىزدىڭ قاۋىپسىزدىك مۇددەلەرىمىزگە سايكەس بولۋىن قامتاماسىز ەتۋ ءۇشىن قىراعى بولامىز، - دەپ مالىمدەدى ليۋكسەمبۋرگتەگى ە و سىرتقى ىستەر مينيسترلەرىنىڭ وتىرىسىنا كەلگەن باررو.
يران مەن ا ق ش اراسىنداعى كەلىسسوزدىڭ ەكىنشى كەزەڭى 19- ساۋىردە وماندا ەمەس، ەۋروپانىڭ ءبىر ەلىندە وتەدى دەپ كۇتىلىپ وتىر.
بۇل تۋرالى يران سىرتقى ىستەر ءمينيسترىنىڭ ساياسات ىستەرى جونىندەگى ورىنباسارى مادجيد تاحت- راۆانچي جەكسەنبى كۇنى ومان استاناسى ماسكاتتا وتكەن يران مەن ا ق ش كەلىسسوزى تۋرالى يران پارلامەنتىنە ەسەپ بەرۋ كەزىندە ايتتى.
ب ا ق حابارلاۋىنشا، ماگاتە باس ديرەكتورى رافاەل گروسسي كەلەسى اپتادا يرانعا كەلۋى مۇمكىن.
اۆتور
زارينا تۋعانبايەۆا
