ا ق ش پەن يراك ايماقتاعى دايش جەتەكشىسىنىڭ جويىلعانىن جاريالادى
استانا. KAZINFORM - يراك بيلىگى ءابۋ حاديدجا لاقاپ اتىمەن تانىمال ابدۋللا ماككي مۋسليح ءال-ريفا الەمدەگى ەڭ قاۋىپتى لاڭكەستەردىڭ ءبىرى سانالدى دەپ مالىمدەدى.
BBC مالىمەتىنشە، يراك پرەمەر-ءمينيسترى يراك بارلاۋ قىزمەتى مەن ا ق ش باستاعان كواليتسيا كۇشتەرىنىڭ بىرلەسكەن وپەراتسياسى ناتيجەسىندە يراك پەن سيريادا «يسلام مەملەكەتى» (قازاقستان رەسپۋبليكاسىندا تىيىم سالىنعان ۇيىم) جەتەكشىسىنىڭ جويىلعانىن حابارلادى.
ا ق ش پرەزيدەنتى دونالد ترامپ Truth الەۋمەتتىك جەلىسىندە وپەراتسياعا قاتىستى پىكىر ءبىلدىردى.
ا ق ش- تىڭ ورتالىق قولباسشىلىعى بەيسەنبى كۇنى ءال-انبار پروۆينتسياسىندا بولعان سوققى ۆيدەوسىن X الەۋمەتتىك جەلىسىندە جاريالادى. اسكەريلەردىڭ ايتۋىنشا، ءال-ريفا ستراتەگيالىق جوسپارلاۋعا، لوگيستيكاعا جانە بۇكىل الەم بويىنشا دايش شابۋىلدارىن ۇيلەستىرۋگە جاۋاپتى بولعان.
«يسلام مەملەكەتى» (قازاقستاندا تىيىم سالىنعان ۇيىم) 2019-جىلى تالقاندالعانىمەن، ونىڭ سودىرلارى يراك اسكەريلەرى مەن پوليتسياسىنا شابۋىلدارىن جالعاستىرۋدا.
بۇعان دەيىن يزرايل اۋە كۇشتەرى داماسكىگە اۋەدەن سوققى بەرگەن بولاتىن. يزرايل ارمياسىنىڭ حابارلاۋىنشا، نىسانا پالەستينالىق يسلامدىق جيھادتىڭ باسقارۋ ورتالىعى بولعان.
