ا ق ش پەن ۇلى بريتانيا پاريج سامميتىندە ج ي دەكلاراتسياسىنا قول قويۋدان باس تارتتى

ج ي رەتتەۋ تۋرالى دەكلاراتسيانى فرانسيا، قىتاي، اۋستراليا، جاپونيا جانە ءۇندىستاندى قوسا العاندا، 60 ەل قولدادى. قۇجاتتا جاساندى ينتەللەكت تەحنولوگياسىن دامىتۋعا كوزقاراس «اشىق»، «ينكليۋزيۆتى» جانە «ەتيكالىق» بولۋى كەرەك دەلىنگەن. سونداي-اق، سامميتتە ج ي ەنەرگياسىن تۇتىنۋ ماسەلەسى العاش رەت تالقىلانعانى اتاپ ءوتىلدى، ساراپشىلاردىڭ ەسكەرتۋىنشە، ول الداعى جىلدارى شاعىن ەلدەردىڭ دەڭگەيىنە كوتەرىلۋى مۇمكىن.

كەلىسىمگە قول قويماعان ەلدەردىڭ قاتارىندا ا ق ش پەن ۇلى بريتانيا بار.

Politico مالىمەتىنشە، ا ق ش- تىڭ «تۇراقتى جانە ينكليۋزيۆتى ج ي» دەگەن تۇجىرىمعا كوڭىلى تولماعان. سامميت بارىسىندا ا ق ش ۆيتسە-پرەزيدەنتى دجەي دي ۆەنس پاريجدەگى دەلەگاتتارعا جاساندى ينتەللەكتتى شامادان تىس قاتاڭ رەتتەۋ «جاڭا دامىپ كەلە جاتقان ترانسفورماتيۆتى سالانى جويىپ جىبەرۋى مۇمكىن» ەكەنىن ايتتى.

پاريجدەگى سامميتكە قاتىسۋ – ا ق ش- تىڭ جاڭا ۆيتسە-پرەزيدەنتى دجەي دي ۆەنستىڭ العاشقى شەتەلدىك ساپارى. ونىڭ ايتۋىنشا، جاساندى ينتەللەكت - بۇل «ترامپ اكىمشىلىگى جىبەرىپ المايتىن مۇمكىندىك». ۆەنس سونداي-اق «ي ي- ءدىڭ وسۋىنە ىقپال ەتەتىن ساياسات» قاۋىپسىزدىكتەن باسىم بولۋى كەرەك دەپ مالىمدەدى. ونىڭ پىكىرىنشە، بۇل ءۇشىن جاساندى ينتەللەكتتىڭ دامۋىنا جول اشاتىن، «ونى تۇنشىقتىرمايتىن» رەتتەۋ قاجەت.

ۆيتسە-پرەزيدەنت سونىمەن قاتار ەۋروپالىق كوشباسشىلار «بۇل جاڭا شەكاراعا ۇرەيمەن ەمەس، وپتيميزممەن قاراۋى كەرەك» دەپ قوستى.

دجەي دي ۆەنستىڭ سوزدەرى فرانسيا پرەزيدەنتى ەممانيۋەل ماكروننىڭ ۇستانىمىنا قايشى كەلەدى. ول ءۇندىستان پرەمەر-ءمينيسترى نارەندرا موديمەن بىرگە سامميتتىڭ تەڭ ءتوراعالارىنىڭ ءبىرى جانە سالانى كوبىرەك رەتتەۋدى جاقتايدى.

- بىزگە ج ي- نى دامىتۋ ەرەجەلەرى قاجەت، - دەپ مالىمدەدى ماكرون سامميتتە.

ۇلى بريتانيانىڭ ۇستانىمى

ۇلى بريتانيا بۇرىن ج ي قاۋىپسىزدىگىنە قاتىستى ماسەلەلەردى كوتەردى: ەل پرەمەر-ءمينيسترى ريشي سۋناك 2023-جىلى وسى تاقىرىپ بويىنشا الەمدەگى ءبىرىنشى سامميتتى وتكىزگەن بولاتىن.

ەندى ەل باسشىلىعى كەلىسىمگە قول قويۋدان نەلىكتەن باس تارتىپ وتىرعانىنا ناقتى جاۋاپ بەرمەي وتىر.

Guardian اقپارات كوزى ۇلى بريتانيا بۇل قادامعا ا ق ش- قا جاعۋ ءۇشىن باردى دەگەن ۇسىنىستى جوققا شىعاردى.

Full Fact فاكتچەكينگ ۇيىمىنداعى ج ي ءبولىمىنىڭ جەتەكشىسى ەندريۋ دادفيلد ۇكىمەتتىڭ پاريج كومميۋنيكەسىنە قول قويماۋ تۋرالى شەشىمى ۇلى بريتانيانىڭ يميدجىنە قاۋىپ توندىرەتىنىن مالىمدەدى.

بۇعان دەيىن فرانتسيا جاساندى ينتەللەكت سەكتورىنا 109 ملرد ەۋرو جەكە ينۆەستيتسيا تارتۋدى كوزدەپ وتىرعانىن جازعان بولاتىنبىز.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى