ا ق ش مەملەكەتتىك دەپارتامەنتى كەيبىر بۇقارالىق اقپارات قۇرالدارىنا جازىلۋدى توقتاتپاق
استانا. KAZINFORM – ا ق ش مەملەكەتتىك دەپارتامەنتى «ميسسياسى ماڭىزدى ەمەس» دەپ سانالاتىن باسىلىمدارعا جازىلۋدى توقتاتۋعا بۇيرىق بەردى، دەپ حابارلايدى Red Lake Nation News.
11- اقپاندا جىبەرىلگەن قىزمەتتىك حاتتا ەلشىلىكتەر مەن كونسۋلدىقتارعا اكادەميالىق نەمەسە كاسىبي جۋرنالدار بولماسا، باسقا ماڭىزى جوق بۇقارالىق اقپارات قۇرالدارىنا جازىلۋ (مەرزىمدى باسىلىمدار مەن گازەتتەر) كەلىسىمشارتتارىن جانە ساتىپ الۋ تاپسىرىستارىن توقتاتۋ تاپسىرىلدى.
بۇل شارا New York Times, Associated Press جانە ت. ب. باسىلىمدارعا كەتەتىن شىعىنداردى ازايتۋ جونىندەگى ءىستىڭ ءبىر بولىگى رەتىندە جۇزەگە اسىرىلاتىن ا ق ش- تىڭ جۇزدەگەن ەلشىلىكتەرى مەن كونسۋلدىقتارىنا قولدانىلادى.
بۇعان دەيىن ا ق ش- تىڭ ۇكىمەتتىڭ تيىمدىلىگى دەپارتامەنتى (DOGE) جۇرگىزىپ جاتقان ۇنەمدەۋ ساياساتىنىڭ ءبىر بولىگى رەتىندە ءبىرقاتار امەريكالىق ب ا ق بۇدان بىلاي مەملەكەت تاراپىنان قارجىلاندىرىلمايتىنى حابارلانعان بولاتىن.
اۆتور
ەركەجان سماعۇلوۆا
