ا ق ش كونگرەسى ۇكىمەتكە ناۋرىزعا دەيىن جۇمىس ىستەۋىنە رۇقسات بەرەتىن زاڭ جوباسىن قابىلدادى

Kazinform اگەنتتىنىڭ ءتىلشىسى بۇل تۋرالى NBC News-كە سىلتەمە جاساپ حابارلايدى.

دەموكراتتار باسقاراتىن سەنات بىرنەشە تۇزەتۋدى قاراعاننان كەيىن زاڭنامانىڭ سوڭعى نۇسقاسىنا (77 جانە 18) داۋىس بەردى. رەسپۋبليكالىق پالاتا ونى 108 گە قارسى 314 داۋىسپەن قابىلدادى.

زاڭ جوباسى ەندى جۇما كۇنى قارجىلاندىرۋ مەرزىمى اياقتاعانشا زاڭعا اينالۋ ءۇشىن ا ق ش پرەزيلدەنتى دجو بايدەننىڭ ۇستەلىنە جىبەرىلەدى.

بۇل - وتكەن جىلعى قىركۇيەكتەن بەرگى ءۇشىنشى ۋاقىتشا زاڭ جوباسى، ويتكەنى بولىنگەن كونگرەسس بۇكىل جىل بويى ۇكىمەتتىك قارجىلاندىرۋ تۋرالى زاڭ جوبالارىن كەلىسۋگە تىرىسىپ كەلەدى.

ءبىرىنشى ۋاقىتشا زاڭ جوباسى كاليفورنيالىق رەسپۋبليكاشىل كيەۆين ماككارتيدىڭ وكىلدەر پالاتاسىنىڭ سپيكەرى قىزمەتىنەن كەتۋىنە اكەلدى. زاڭ جوباسى مەملەكەتتىك قارجىلاندىرۋ مەرزىمىن ۇزارتادى، ول ەكى بولىكتەن قۇرالعان: 19-قاڭتاردان 1 -ناۋرىزعا دەيىن اۋىل شارۋاشىلىعى، اسكەري قۇرىلىس جانە ارداگەرلەر ىستەرى، ەنەرگەتيكا جانە سۋ سالالارىن قاراجاتتاندىرۋ قاراستىرىلسا، 2-اقپاننان 8-ناۋرىزعا دەيىن ۇكىمەتتىڭ قالعان مەكەمەلەرى قارجىلاندىرىلادى.

زاڭ جوباسىنىڭ يمميگراتسيا جانە ۇلتتىق قاۋىپسىزدىك تۋرالى زاڭنىڭ قوسىمشا جوباسىنا قاتىستى كەلىسسوزدەرگە قاتىسى جوق. ول بيىلعى جىلى ا ق ش ۇكىمەتىن تولىق قارجىلاندىراتىن قاراجاتتاندىرۋ تۋرالى 12 زاڭ جوباسىن وڭدەۋ ءۇشىن كوبىرەك ۋاقىت بەرۋگە ارنالعان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى