ا ق ش جوعارعى سوتى 350 مىڭ ۆەنەسۋەلالىقتى دەپورتاتسيالاۋدى قولدادى
استانا. KAZINFORM – ا ق ش جوعارعى سوتى بيلىكتىڭ 348202 ۆەنەسۋەلالىق ميگرانتتىڭ قورعانىس مارتەبەسىن الىپ تاستاۋ جوسپارىن قولدادى. بۇعان دەيىن سان-فرانتسيسكو سۋدياسى بۇل شەشىمگە ۆەتو قويعان، دەپ حابارلايدى DW.
ا ق ش جوعارعى سوتى دونالد ترامپ اكىمشىلىگىنىڭ 350 مىڭعا جۋىق ۆەنەسۋەلالىق ميگرانتتىڭ قورعانىسىن الىپ تاستاۋ جوسپارىن قولدادى. ءتيىستى قۇجات دۇيسەنبى، 19-مامىردا سوتتىڭ سايتىندا جاريالاندى.
بۇل شەشىم 2023-جىلى «ۋاقىتشا قورعانىستى پايدالانعان تۇلعالار مارتەبەسىن» (Temporary Protected Status, TPS) العان 348202 ۆەنەسۋەلالىق ميگرانتقا قاتىستى بولادى، دەپ حابارلايدى Reuters.
ا ق ش ىشكى قاۋىپسىزدىك مينيسترلىگى (ءى ق م) بۇعان دەيىن ولاردىڭ مارتەبەسىن جويۋ تۋرالى شەشىم قابىلداعان، ءبىراق سان-فرانتسيسكوداعى فەدەرالدى سۋديا وعان ۆەتو قويدى. ەندى جوعارعى سوت بيلىكتىڭ جاعىنا شىقتى.
بۇعان دەيىن ءى ق م CHNV (Cuba ،Haiti ،Nicaragua ،Venezuela) باعدارلاماسى بويىنشا ا ق ش- تا قالعان كۋبا مەن گايتي، نيكاراگۋا جانە ۆەنەسۋەلادان كەلگەن 500 مىڭنان استام ميگرانتتى دەپورتاتسيالاۋدى جوسپارلاپ وتىرعانىن حابارلادى. ونى 2022-جىلدىڭ قازان ايىندا دجو بايدەن اكىمشىلىگى ىسكە قوستى.
سونىمەن قاتار ا ق ش- تان دەپورتاتسيالانعان 199 ميگرانت مىنگەن العاشقى ۇشاق ۆەنەسۋەلا ولاردى قابىلداۋعا كەلىسىم بەرگەننەن كەيىن ەلگە قونعانىن جازعان بولاتىنبىز.
ەسكە سالا كەتسەك، سۋديا ترامپتىڭ ادامداردى دەپورتاتسيالاۋ بويىنشا وكىلەتتىگىن شەكتەدى.
