ا ق ش دەلەگاتسياسى رەسەيمەن كەلىسسوز جۇرگىزۋ ءۇشىن ساۋد ارابياسىنا اتتاندى

ا ق ش پرەزيدەنتى دونالد ترامپتىڭ تاياۋ شىعىس جونىندەگى ارنايى وكىلى ستيۆەن ۋيتكوفف 16-اقپان كەشىندە امەريكالىق دەلەگاتسيا قۇرامىندا رەسەيمەن كەلىسسوز جۇرگىزۋ ءۇشىن ساۋد ارابياسىنا اتتاناتىنىن مالىمدەدى. ول ۋكرايناداعى قاقتىعىستى رەتتەۋ ماسەلەسىندە ايتارلىقتاي ىلگەرىلەۋگە ۇمىتتەنەتىنىن اتاپ ءوتتى.
- مەن بۇل تۋرالى تىم ەگجەي- تەگجەيلى ايتقىم كەلمەيدى، ءبىراق بۇگىن كەشكە مەن سول جاققا اتتانامىن. مەن پرەزيدەنتتىڭ ۇلتتىق قاۋىپسىزدىك جونىندەگى كومەكشىسى (مايك ۋولتتس) بىرگە بارامىن. پرەزيدەنتتىڭ تاپسىرماسى بويىنشا ءبىز كەزدەسۋلەرگە قاتىسامىز. رەسەي مەن ۋكرايناعا قاتىستى ماڭىزدى پروگرەسكە قول جەتكىزەمىز دەپ ۇمىتتەنەمىن، - دەدى ول Fox News تەلەارناسىنىڭ ەفيرىندە.
ۋيتكوففتان ۋكراينادان قاقتىعىستى اياقتاۋ ءۇشىن «ءوز تەرريتورياسىنىڭ ءبىر بولىگىنەن باس تارتۋ» تالاپ ەتىلە مە، دەپ سۇرادى.

- بۇل - دەتالدار. مەن دەتالداردى ەلەمەي وتىرعان جوقپىن، ولار ماڭىزدى، ءبىراق ەڭ باستىسى - سەنىمدىلىك ورناتۋ. بارلىعى بۇل سوعىستىڭ اياقتالۋى كەرەگىن ءتۇسىنۋى ءتيىس. پرەزيدەنت (ترامپ) بىزگە ءدال وسىنى تاپسىردى. وسى سوعىستى لايىقتى اياقتاۋ بويىنشا كەلىسسوزدەر جۇرگىزۋ. ءبىز وسى باعىتتا جۇمىس ىستەيمىز، - دەپ جاۋاپ بەردى شەنەۋنىك.
ونىڭ پىكىرىنشە، ۋكراينانى كەلىسسوزدەر پروتسەسىنەن شىعارۋ تۋرالى ايتۋ دۇرىس بولماس ەدى.
- ۋكراينا - بۇل كەلىسسوزدەردىڭ ءبىر بولىگى. ترامپ وسى اپتادا زەلەنسكيمەن سويلەستى، كوپتەگەن ءمينيسترىمىز ميۋنحەندەگى قاۋىپسىزدىك كونفەرەنتسياسى كەزىندە ۋكراينانىڭ ءارتۇرلى وكىلدەرىمەن كەزدەستى. مەنىڭ ويىمشا، بۇل بىرەۋدى كەلىسسوزدەردەن شىعارىپ تاستاۋ ەمەس. شىن مانىندە، بۇل بارلىق تاراپتى قاتىستىرۋ، - دەدى ۋيتكوفف.
BBC مالىمەتىنشە، ساۋد ارابياسىنا ۋكراينا دەلەگاتسياسى قازىردىڭ وزىندە كەلگەن.
- الداعى كۇندەرى ۆلاديمير زەلەنسكييدىڭ ساۋد ارابياسىنا ساپارىن دايىنداۋ ءۇشىن ونداعان كەزدەسۋ وتەدى. اتاپ ايتقاندا، ءبىز ءوڭىر ەلدەرىمەن ماڭىزدى ەكونوميكالىق كەلىسىمدەرگە قول قويۋعا دايىندالىپ جاتىرمىز، - دەپ جازدى ۋكراينا قارجى ءمينيسترى يۋليا سۆيريدەنكو Facebook پاراقشاسىندا.
ۋكراينا ۇكىمەتىندەگى جوعارى لاۋازىمدى دەرەككوزدىڭ حابارلاۋىنشا، ۋكراينا رەسەي وكىلدەرىمەن ساۋد ارابياسىندا وتەتىن بەيبىت كەلىسسوزدەرگە شاقىرتۋ الماعان.
ەسكە سالساق ۆلاديمير زەلەنسكي ا ق ش- پەن سيرەك كەزدەسەتىن مينەرالدار جونىندەگى كەلىسىمدى قابىلداماعانى تۋرالى جازعان ەدىك. 

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى