ا ق ش بيلىگى بىرنەشە ب ا ق- قا جازىلۋدان باس تارتپاق
استانا. KAZINFORM - ا ق ش بيلىگى «ازاتتىق راديوسى» مەن «امەريكا داۋىسى» ءۇشىن AP ،Reuters جانە AFP اقپارات اگەنتتىكتەرىنە جازىلۋدان باس تارتپاق، دەپ حابارلايدى BBC.
بۇل تۋرالى دونالد ترامپ تاعايىنداعان ا ق ش- تىڭ جاھاندىق مەديا اگەنتتىگىندەگى (USAGM) ارنايى كەڭەسشى كاري لەيك مالىمدەدى.
- بۇگىن مەن اگەنتتىكتىڭ Associated Press ،Reuters جانە Agence France-Presse اقپارات اگەنتتىكتەرىمەن كەلىسىمشارتتارىن بۇزۋ پروتسەسىن باستادىم. بۇل سالىق تولەۋشىلەرگە شامامەن 53 ميلليون دوللار ۇنەمدەۋگە مۇمكىندىك بەرەدى. ءبىزدىڭ اگەنتتىكتىڭ ماقساتى - امەريكالىق تاريحتى بايانداۋ. بۇل جاۋاپكەرشىلىكتى باسقا بىرەۋگە جۇكتەۋدىڭ قاجەتى جوق، - دەپ جازدى ول X الەۋمەتتىك جەلىسىندە.
2022-جىلعى دەرەكتەرگە سايكەس، ا ق ش- تا 153,8 ميلليون سالىق دەكلاراتسياسى تاپسىرىلعان. دەمەك، لەيك قولعا العان شارالار ءاربىر سالىق تولەۋشىگە ورتا ەسەپپەن 34 تسەنت ۇنەمدەۋگە مۇمكىندىك بەرەدى.
دونالد ترامپ اقپاندا ءوز اكىمشىلىگى يلونا ماسكتىڭ باستامالارى ناتيجەسىندە ۇنەمدەلگەن قاراجاتتىڭ %20 ىن امەريكالىقتارعا قايتارۋ مۇمكىندىگىن قاراستىرىپ جاتقانىن مالىمدەگەن بولاتىن.
بۇعان دەيىن اقش مەملەكەتتىك دەپارتامەنتى «ميسسيا ءۇشىن اسا ماڭىزدى ەمەس» دەپ تانىلعان جاڭالىقتارعا بارلىق جازىلىمدى توقتاتۋعا بۇيرىق بەرگەن. ال ۇكىمەت تيىمدىلىگى دەپارتامەنتى (DOGE) ۇنەمدەۋ ساياساتى اياسىندا بىرنەشە امەريكالىق ب ا ق- تى مەملەكەتتىك قارجىلاندىرۋدان اجىراتىپ وتىر.
