ا ق ش بارلىق بولات پەن اليۋميني يمپورتىنا باج سالىعىن ەنگىزەدى

ا ق ش پرەزيدەنتى دونالد ترامپ كورشىلەرىمەن جانە الەممەن ساۋدا سوعىسىندا جاڭا قادام جاسادى: ول دۇيسەنبىدە ا ق ش- قا اكەلىنەتىن بارلىق ءاليۋميني مەن بولاتقا %25 مولشەرىندە باج سالى ەنگىزىلەتىنەن جاريالادى. ال تاعى ءبىر- ەكى كۇننەن كەيىن امەريكالىق ونىمدەرگە باج سالىعىن سالاتىن ەلدەردەن اكەلىتەنتىن تاۋارلارعا دا باج سالىعىن ەنگىزبەك.

ترامپ جۋرناليستەرگە بۇل جوسپارلارى تۋرالى فلوريداداعى ۇيىنەن جاڭا ورلەانداعى ۇلتتىق فۋتبول ليگاسىنىڭ فينالىنا بارا جاتقاندا ۇشاقتا ايتقان.

قۇراما شتاتتارعا بولاتتىڭ ەڭ ءىرى جەتكىزۋشىلەرى كورشىلەس مەكسيكا مەن كانادا، ال امەريكا قۇراما شتاتتارى ەڭ كوپ ءاليۋمينييدى كانادادان يمپورتتايدى.

ترامپ ءوزىنىڭ ءبىرىنشى پرەزيدەنتتىك مەرزىمىندە كانادا، مەكسيكا جانە ەۋرووداق بولاتىنا 25 پايىز، اليۋمينييگە 10 پايىزدىق باج سالىعىن ەنگىزگەن ەدى.

ءبىر جىلدان كەيىن ا ق ش مەكسيكا جانە كانادامەن بۇل تاريفتەردى جويۋ تۋرالى كەلىسىمگە كەلدى. ەۋروپالىق مەتالدارعا تاريفتەر 2021 -جىلعا دەيىن كۇشىندە بولدى.

بىرنەشە كۇن بۇرىن ترامپ كانادا مەن مەكسيكادان كەلەتىن بارلىق يمپورتقا 25 پايىزدىق باج سالىعىن ەنگىزەتىنىن مالىمدەدى، ءبىراق سول ەلدەردىڭ باسشىلارىمەن سويلەسكەننەن كەيىن، ول ولاردىڭ ورىندالۋىن 30 كۇنگە كەيىنگە قالدىرۋعا كەلىستى.

ترامپ سونىمەن قاتار قىتاي يمپورتىنا 10 پايىزدىق باج سالىعىن ەنگىزدى. قىتاي كەيبىر امەريكالىق تاۋارلارعا جاڭا تاريفتەر ەنگىزدى.

ترامپ ورتا تاپ ءۇشىن بۇرىن- سوڭدى بولماعان تومەن سالىق ۇسىنعان ەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى