اڭ جانە بالىق اۋلاعاندا قانداي قۇرالداردى پايدالانۋعا تىيىم سالىنعان

س ق و پوليتسيا دەپارتامەنتى باسپا ءسوز قىزمەتىنىڭ مالىمەتىنشە، تابيعاتتى قورعاۋ پوليتسەيلەرى اڭشىلىق شارۋاشىلىقتاردىڭ قورىقشىلارىمەن بىرگە كۇشەيتىلگەن رەجيمدە ورمانداردا، سۋ ايدىندارىندا رەيدتىك شارالار جۇرگىزىپ جاتىر.

ءىس-شارانىڭ العاشقى اپتاسىندا ءتارتىپ ساقشىلارى اڭ اۋلاۋ ەرەجەلەرىن بۇزعان 88 فاكتىنى انىقتادى.

- ەڭ ءجيى كەزدەسەتىن قۇقىق بۇزۋ - تۇلكىلەر مەن قوياندارعا تۇزاق قۇرۋ، بۇعان زاڭمەن تىيىم سالىنعان. قىس مەزگىلىندە بالىق اۋلاۋدى ۇناتاتىندار مۇز ۇستىنە ماس كۇيدە شىعادى نەمەسە بالىق اۋلاۋ كەزىندە سپيرتتىك ىشىمدىكتەر ءىشىپ وتىرادى، اۋلاۋعا رۇقسات بەرەتىن قۇجاتسىز كەلەدى، كولدەردى جالعا الۋشىلاردىڭ كەيبىرى سۋ قويماسىندا «جەرليتسا» اتالىپ كەتكەن قۇرالدى ورناتۋعا تىيىم سالادى، مۇنى دا ەسكەرمەيتىندەر جوق ەمەس. ياعني مۇنىڭ بارلىعى بالىق اۋلاۋ ەرەجەلەرىن بۇزۋ، - دەيدى س ق و پ د جەرگىلىكتى پوليتسيا قىزمەتى باسقارماسىنىڭ قۇرامىنداعى تابيعاتتى قورعاۋ پوليتسياسى توبىنىڭ ەرەكشە تاپسىرمالار جونىندەگى اعا ينسپەكتورى اسحات قوجابايەۆ.

پوليتسەيلەر بالىق اۋلاۋ ەرەجەسىن بۇزعان 23 فاكتىنى انىقتادى. سونداي-اق قارۋدى ساقتاۋ جانە تاسىمالداۋ ەرەجەلەرىن بۇزعان 9 دەرەك تىركەلگەن.

ءتارتىپ ساقشىلارى بۇگىنگى كۇنى وبلىستا اشا تۇياقتى جابايى جانۋارلاردى - ەلىك، مارال- دوڭىزداردى اۋلاۋعا تىيىم سالىنعانىن ەسكە سالادى.

بۇعان دەيىن اتىراۋدا موتوتسيكلمەن شانا سۇيرەگەن براكونەرلەردەن 530 كەلى بالىق تاركىلەنگەنىن جازعان ەدىك.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى