قازاقستانداعى 9 قالانىڭ اۋاسى جوعارى دەڭگەيدە لاستانعان - كوميتەت
بۇل تۋرالى ورتالىق كوممۋنيكاتسيالار قىزمەتىندەگى بريفينگىدە ەكولوگيالىق رەتتەۋ جانە باقىلاۋ كوميتەتىنىڭ ءتوراعاسى زۇلفۇحار جولداسوۆ مالىمدەدى، دەپ حابارلايدى قازاقپارات ءتىلشىسى.
«ەكولوگيالىق مونيتورينگ ناتيجەلەرى بويىنشا 45 ونەركاسىپتىك قالا مەن مەگاپوليستەن 9 قالا اتموسفەرالىق اۋانىڭ لاستانۋىنىڭ جوعارى دەڭگەيىنە جاتادى. بۇل - استانا، الماتى، قاراعاندى، تەمىرتاۋ، اتىراۋ، اقتوبە، بالقاش، وسكەمەن جانە شىمكەنت قالالارى. وتكەن جىلى مۇنداي قالالاردىڭ سانى 10 بولدى. الايدا، وسى جىلدىڭ باسىندا جوعارى دەڭگەيدەن ورتا دەڭگەيگە وتكەن جەزقازعان قالاسى تىزىمنەن شىعارىلدى»، - دەدى زۇلفۇحار جولداسوۆ.
ونىڭ ايتۋىنشا، ەكولوگيالىق جاعدايعا بيزنەس قاۋىمداستىقتارى تەرىس اسەر ەتىپ وتىر.
اۆتور
ءاليحان اسقار
