قازاقستاندا جۇكتىلىكتىڭ 9-اپتاسىندا ۇرىقتىڭ د ن ك دياگنوستيكاسى جاسالا باستايدى
بۇل زەرتتەۋ جۇكتىلىكتىڭ ەرتە كەزەڭىندە ۇرىقتىڭ حروموسومالىق اۋىتقۋلارىن انىقتاۋدا ۇرىق پەن ايەلدەر ءۇشىن ەڭ سەزىمتال جانە قاۋىپسىز بولىپ تابىلادى.
پرەناتالدى ۋلترادىبىستىق دياگنوستيكا بويىنشا ەلدەگى جەتەكشى مامانداردان ساراپتاما توبى قۇرىلدى.
سونداي-اق ق ر دەنساۋلىق ساقتاۋ مينيسترلىگىنىڭ باس گەنەتيگى، پروفەسسور گۇلشارا ءابىلدينوۆا جانە ق ر دەنساۋلىق ساقتاۋ مينيسترلىگىنىڭ پرەناتالدى دياگنوستيكادان ۋلترادىبىستىق زەرتتەۋ بويىنشا باس مامانى، م. ع. د. جانار قۇرمانعالي دارىگەرلەر مەن گەنەتيكتەردىڭ كاسىبي دايارلىعىن ارتتىرۋ بويىنشا وقىتۋ وتكىزدى. بۇگىنگى تاڭدا حالىقارالىق ستاندارتتارعا سايكەس پرەناتالدى ۋلترادىبىستىق دياگنوستيكا بويىنشا 150 دارىگەر سەرتيفيكاتتالدى.
اتالعان دياگنوستيكانى وڭىرلەردە قولدانۋ ماسەلەسى پىسىقتالىپ جاتىر. قازىرگى ۋاقىتتا وڭىرلەردە پەريناتالدى ناتيجەلەردى جاقسارتۋ ءۇشىن «ۇرىقتى قورعاۋ ورتالىقتارى» ۇيىمداستىرىلعان.
ءوز كەزەگىندە، جۇكتىلىك كەزىندە سكرينينگ زەرتتەۋلەرىن ۋاقتىلى جۇرگىزۋ تۋابىتتى پاتولوگيا بويىنشا قاۋىپ توبىن انىقتاۋعا جانە ۇرىقتىڭ دامۋىنداعى اۋىتقۋلاردىڭ ۇلكەن سپەكترىنە دياگنوستيكا جاساۋعا مۇمكىندىك بەرەدى.
