ۇسىك، نايزاعاي، تۇمان: 9 وڭىردە ەسكەرتۋ جاريالاندى
اتاپ ايتقاندا، 18-قىركۇيەك كۇنى استانادا توپىراق بەتىندە 2 گرادۋس ۇسىك ساقتالادى.
اباي وبلىسىندا تۇندە جانە تاڭەرتەڭ تۇمان كۇتىلەدى. تۇندە ءوڭىردىڭ باتىسى مەن ورتالىعىندا 3 گرادۋس ۇسىك بولادى. سولتۇستىك- باتىستا، سولتۇستىك پەن شىعىستا توتەنشە ءورت قاۋپى بولجانادى.
تۇندە اقمولا وبلىسىنىڭ ورتالىعى مەن شىعىسىندا 2 گرادۋس ۇسىك ساقتالادى.
تۇندە جانە تاڭەرتەڭ شىعىس قازاقستان وبلىسىندا تۇمان بولادى. تۇندە سولتۇستىك- باتىستا، شىعىستا 2 گرادۋس ۇسىك كۇتىلەدى
باتىس قازاقستان وبلىسىنىڭ سولتۇستىگىندە، شىعىسى مەن وڭتۇستىگىندە نايزاعاي ويناپ، ءوڭىردىڭ سولتۇستىگىندە، شىعىسى مەن وڭتۇستىگىندە سوققان جەلدىڭ كۇشى نايزاعاي كەزىندە 15-20 م/س جەتەدى.
قوستاناي وبلىسىندا تۇندە جانە تاڭەرتەڭ نايزاعاي بولجانادى. ءوڭىردىڭ باتىسى مەن سولتۇستىگىندە جەلدىڭ كۇشى 15-20 م/س قۇرايدى.
كۇندىز قىزىلوردا وبلىسىنىڭ ورتالىعىندا شاڭدى داۋىل تۇرادى. ءوڭىر ورتالىعىندا جەلدىڭ ەكپىنى 15-20 م/س قۇرايدى. توتەنشە ءورت قاۋپى ساقتالادى.
سولتۇستىك قازاقستان وبلىسىنىڭ سولتۇستىگى مەن باتىسىندا جەلدىڭ جىلدامدىعى 15-20 م/س ارتادى.
تۇركىستان وبلىسىنىڭ سولتۇستىگىندە 18-19-قىركۇيەكتە شاڭدى داۋىل بولجانادى. 18-قىركۇيەك كۇنى كۇندىز تاۋلى اۋماقتاردا، 19-20-قىركۇيەكتە ءوڭىردىڭ سولتۇستىگى مەن تاۋلى اۋماقتارىندا جەلدىڭ كۇشى 15-20 م/س قۇرايدى. ءوڭىردىڭ باسىم بولىگىندە توتەنشە ءورت قاۋپى ساقتالادى.
