سينوپتيكتەر 9 وبلىستا ەسكەرتۋ جاريالادى

اتاپ ايتقاندا، 3 -اقپاندا قاراعاندى وبلىسىنىڭ كەي جەرلەرىندە وڭتۇستىك- باتىستان سەكۋندىنا 15-20 مەترگە دەيىن جەتەتىن جەل سوعىپ، كوكتايعاق بولۋى مۇمكىن. سولتۇستىك قازاقستان وبلىسىنىڭ باسىم بولىگىندە تۇندە جاۋىن- شاشىن (جاڭبىر، قار) تۇسەدى.

3-4 -اقپاندا كەي جەرلەردە تۇمان، كوكتايعاق، جاياۋ بۇرقاسىن بولادى.

3 -اقپاندا وڭتۇستىك- باتىستان، باتىستان جەل سوعىپ، كۇشى 15-20, ەكپىنى 23-28 م/س بولۋى مۇمكىن.

4 -اقپاندا جەلدىڭ كۇشى كەي جەرلەردە 15-20 م/س جەتەدى.

پەتروپاۆل قالاسىندا 3 -اقپاندا كوكتايعاق، جاياۋ بۇرقاسىن بولادى. وڭتۇستىك- باتىستان، باتىستان سوققان جەلدىڭ كۇشى سەكۋندىنا 15-20 مەترگە جەتۋى ىقتيمال.

3-4 اقپاندا تۇمان تۇسەدى. 3-5 اقپان ارالىعىندا تۇركىستان وبلىسىنىڭ كەي جەرلەرىندە تۇمان ساقتالادى. 3 -اقپاندا شىعىس قازاقستان وبلىسىندا كۇندىز كەي جەرلەردە جاۋىن- شاشىن (جاڭبىر، قار) بولجانادى. كەي جەرلەردە بۇرقاسىن، تۇمان، كوكتايعاق بولۋى ىقتيمالى. وڭتۇستىك- شىعىستان سوققان جەل وڭتۇستىك- باتىسقا اۋىسىپ ەكپىنى 15-20 م/س، كۇندىز 25 م/س جەتەدى.

اقمولا وبلىسىنىڭ كەي اۋماقتارىندا تۇمان ءتۇسىپ، كوكتايعاق، جاياۋ بۇرقاسىن بولۋى مۇمكىن. وڭتۇستىك- باتىستان تۇندە كۇشى 15-20 م/س، كۇندىز كەي جەرلەردە 15-20 م/س جەل سوعادى.

كوكشەتاۋ قالاسىندا تۇمان، كوكتايعاق، جاياۋ بۇرقاسىن بولۋى مۇمكىن. وڭتۇستىك- باتىستان سوعاتىن جەلدىڭ ەكپىنى 15-20 م/س جەتەدى.

قوستاناي وبلىسىنىڭ كەي جەرلەرىندە جاياۋ بۇرقاسىن، تۇمان، كوكتايعاق كۇتىلەدى. وڭتۇستىك- باتىستان جەل سوعىپ، ونىڭ جىلدامدىعى 15-20 م/س جەتەدى.

قوستاناي قالاسىندا كوكتايعاق بولۋى ىقتيمال. وڭتۇستىك- باتىستان سەكۋندىنا 15-20 مەترگە جەتەتىن جەل سوعادى. جامبىل وبلىسى مەن تاراز قالاسىندا تۇمان تۇسەدى.

3 -اقپاندا باتىس قازاقستان وبلىسىنىڭ كەي جەرلەرىندە تۇمان، كوكتايعاق بولۋى مۇمكىن. ورال قالاسىندا تۇندە جانە تاڭەرتەڭ تۇمان بولادى. اقتوبە وبلىسىنىڭ كەي جەرلەرىندە تۇمان، كوكتايعاق، اقتوبە قالاسىندا كوكتايعاق بولۋى مۇمكىن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى