اتىراۋ وبلىسىندا 9 باس قارا مال ۇرلاعان قىلمىستىق توپ ۇستالدى
وبلىستىق پوليتسيا دەپارتامەنتى باسپا ءسوز قىزمەتىنىڭ مالىمەتىنشە، مال ۇرلىعى قىلمىسىنىڭ الدىن الۋ، اشۋ باعىتىنداعى شارالار كۇشەيتىلگەن.
«جاقىندا جەدەل ىزدەستىرۋ ءىس- شاراسى كەزىندە اقپان، قازان، جەلتوقسان ايلارىندا ماحامبەت اۋدانىنىڭ ەڭبەكشىل اۋىلدىق وكرۋگىنە قاراستى جايىلىمنان مال ۇرلاپ جۇرگەن قىلمىستىق توپ ۇستالدى. توپ قۇرامىندا ماحامبەت جانە قۇرمانعازى اۋداندارىنىڭ 38 بەن 52 جاستاعى ەكى تۇرعىنى بولعان. ولار 2 سيىر، 2 تۇيە، 5 جىلقىنى ۇرلاعان. قازىر ۇستالعاندار ۋاقىتشا ۇستاۋ ورنىنا قاماۋعا الىندى. تەرگەۋ ءىسى جالعاسىپ جاتىر» - دەپ حابارلادى دەپارتامەنتتىڭ باسپا ءسوز قىزمەتى.
ەسكە سالا كەتسەك، بۇعان دەيىن اتىراۋدا تۇنگى تىنىشتىقتى بۇزعان 1500 ادام جاۋاپكەرشىلىككە تارتىلعانىن جازعان ەدىك.
