اتىراۋ- اقتوبە تراسساسىندا 9 ادام مەرت بولدى
بۇل تۋرالى ق ر ىشكى ىستەر ءمينيسترى ەرلان تۇرعىمبايەۆ ءمالىم ەتتى، دەپ حابارلايدى قازاقپارات ءتىلشىسى.
«بۇگىن 4-قازان كۇنى اتىراۋ وبلىسىندا قايعىلى جول- كولىك وقيعاسى ورىن الدى. اتىراۋ- اقتوبە باعىتىنداعى تاسجولدا ەكى كولىك سوقتىعىسىپ، سالدارىنان ەكى كولىكتىڭ جۇرگىزۋشىسى، جولاۋشىلار - بارلىعى 9 ادام تۇگەلدەي كوز جۇمدى. قازىرگى ۋاقىتتا قازا تاپقانداردىڭ اتى- جوندەرى انىقتالۋدا، وقيعا ورنىندا جەدەل تەرگەۋ توبى جۇمىس ىستەپ جاتىر»، - دەپ جازدى ە. تۇرعىمبايەۆ Facebook-تە.
سونداي-اق مينيستر 3-قازان كۇنى بولعان تاعى ءبىر قايعىلى جول اپاتى جونىندە حابارلادى. وقيعا پاۆلودار وبلىسىندا بولعان.
«تاسجولدىڭ بويىندا ۆاز-21041 اۆتوكولىگى مەن م ت ز تراكتورىنىڭ تىركەمەسى سوقتىعىسىپ، جەڭىل كولىكتىڭ جۇرگىزۋشىسى جانە ونىڭ بارلىق ءتورت جولاۋشىسى مەرت بولدى»، - دەدى ە. تۇرعىمبايەۆ.
ۆەدومستۆو باسشىسى ءمالىم ەتكەندەي، ەلىمىزدە جول- كولىك وقيعالارىنىڭ %96 جۇرگىزۋشىلەردىڭ كىناسىنەن بولادى. پاترۋلدىك كەزەكشىلىكتەر جانە بەينەكامەرالار جوق اۆتوجولدار مەن تاسجولدارداردا جۇرگىزۋشىلەر ورەسكەل ەرەجە بۇزادى.
ناقتىراق ايتقاندا، جىلدامدىقتى شامادان تىس ارتتىرىپ، تىيىم سالىنعان جانە قاۋىپتى ايماقتاردا الدىڭعى كولىكتى باسىپ وزۋعا تىرىسادى. ال مۇنداي جەلىگۋدىڭ سوڭى كوبىنە قايعىلى اپاتقا، ورنى تولماس وكىنىشكە ۇرىندىرادى. «ءى ءى م-نىڭ ستاتيستيكالىق مالىمەتتەرى «تاجىريبەسىز» جۇرگىزۋشىلەردىڭ (كولىك جۇرگىزۋ ءوتىلى 1 جىلدان تومەندەر) ۇلەسىنە جول- كولىك وقيعالارىنىڭ تەك %1,8 عانا تيەتىنىن كورسەتەدى. جول اپاتتارىنىڭ باسىم بولىگى تاجىريبەلى جۇرگىزۋشىلەردىڭ تاراپىنان ورىن الادى ەكەن. ولار قاۋىپتى تاۋەكەلدەرگە سانالى تۇردە بارىپ، وزدەرىنىڭ عانا ەمەس، باسقا ادامداردىڭ ومىرىنە دە ۇلكەن قاتەر توندىرەدى.
سونداي-اق، ىشكى ىستەر مينيسترلىگى جول-كولىك وقيعاسىنىڭ نەگىزگى سەبەپتەرىن قاپەرلەرىڭىزگە سالادى: - ءبىرىنشى ورىندا جىلدامدىقتى ارتتىرۋ (%33,1) - ەكىنشىسىندە - مانيەۆر جاساۋ ەرەجەلەرىن بۇزۋ (%17,7) - ءۇشىنشى ورىندا - رەتتەلمەيتىن جاياۋ جۇرگىنشىلەر وتكەلىنەن ءوتۋ ەرەجەلەرىن بۇزۋ (%7,6) ءى ءى م اۆتوكولىك جۇرگىزۋشىلەرىن جول قوزعالىسى ەرەجەلەرى مەن شەكتەۋلەرىن قاتاڭ ەسكەرۋگە شاقىرادى، ال جاياۋ جۇرگىنشىلەرگە جولدا قىراعى بولۋدى ەسكەرتەدى»، - دەدى مينيستر.
