ەلىمىزدە 9 مىڭنان استام كەلىنشەك بەدەۋلىكتەن زارداپ شەگەدى

بۇل تۋرالى ق ر دەنساۋلىق ساقتاۋ مينيسترلىگىنىڭ رەسمي وكىلى باعدات قوجاحمەتوۆ ايتتى، دەپ حابارلايدى قازاقپارات ءتىلشىسى.

«مەملەكەت باسشىسى قازاقستان حالقىنا جولداۋىندا دەنساۋلىق ساقتاۋ مينيسترلىگىنىڭ الدىنا 11 تاپسىرما جۇكتەدى. ولار بۇعان دەيىن تىڭعىلىقتى تالقىلاندى. تەك ەكو- عا كۆوتانى ارتتىرۋعا عانا توقتالعىم كەلەدى. پرەزيدەنت ۇكىمەتكە كەلەسى جىلدان باستاپ «اڭساعان ءسابي» باعدارلاماسىن ىسكە قوسۋدى جانە ەكو باعدارلاماسى بويىنشا كۆوتا سانىن 7 مىڭعا دەيىن ارتتىرۋدى تاپسىردى»، - دەدى ول ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا.

ونىڭ دەرەگىنشە، ەكو باعدارلاماسى ەلىمىزدە 2010 -جىلدان باستاپ مەديتسينالىق كومەكتىڭ كەپىلدەندىرىلگەن كولەمىنە قوسىلعان. بۇگىندە ەلىمىزدە 26 ەكو ورتالىق جۇمىس ىستەيدى. ونىڭ 21 ءى جەكەمەنشىك سانالادى.

«قازىرگى ۋاقىتتا وسى ادىسپەن 22 مىڭنان استام بالا دۇنيەگە كەلدى. ەلەكتروندى دەنساۋلىق ساقتاۋ رەسپۋبليكالىق ورتالىعىنىڭ اقپاراتتىق جۇيەسىنە سايكەس، بەدەۋلىكپەن ەسەپتە 9467 ايەل تۇر»، - دەدى باعدات قوجاحمەتوۆ.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى