قازاقستاندىقتار ءۇشىن 9 - ناۋرىز دەمالىس كۇنى بولا ما
«وزدەرىڭىز دە بىلەسىزدەر، مەرەكە كۇنى جەكسەنبىگە تۇسپا- تۇس كەلسە، وندا دۇيسەنبى كۇنى مەملەكەتتىك قىزمەتشىلەر ءۇشىن جۇمىس كۇنى بولۋى تيىستىگى تۋرالى تاپسىرما كەشە عانا بولدى. مەرەكەلەر تۋرالى زاڭعا سايكەس، ەگەر دەمالىس مەرەكە كۇنىنە تۋرا كەلسە، وندا ول كەلەسى جۇمىس كۇنىنە اۋىسادى. ءبىراق، بۇل زاڭ تەك مەملەكەتتىك قىزمەتشىلەرگە عانا ەمەس، بارىنە بىردەي» ، - دەدى ول ب ا ق وكىلدەرىنىڭ ساۋالىنا وراي.
ونىڭ اتاپ وتۋىنشە، قازىرگى ۋاقىتتا ق ر پرەمەر- ءمينيسترىنىڭ كەڭسەسىندە بۇل ماسەلەگە قاتىستى ءبىرىڭعاي ءادىس ازىرلەۋ ءۇشىن مۇددەلى مەملەكەتتىك ورگانداردىڭ قاتىسۋىمەن جيىن ءوتىپ جاتىر.
«ءوز تاراپىمنان مۇنىڭ قۇقىق قورعاۋ جانە ارناۋلى ورگاندار ءۇشىن عانا ايتىلۋى مۇمكىن ەكەندىگىن اتاپ وتە الامىن. بۇل مەملەكەتتىك قىزمەتشىلەردىڭ جەكەلەگەن ساناتتارىنا قاتىستى بولۋى ىقتيمال» ، - دەدى دۋمان ءابىلوۆ.
وسى ورايدا ول بيىلعى جىلدىڭ 9 - ناۋرىزىندا قازاقستاندىقتار دەمالادى دەپ بولجايتىندىعىن باسا ايتتى.
«مەملەكەتتىك قىزمەتشىلەر جۇمىس ىستەۋى ءۇشىن الدىمەن، مەرەكەلەر تۋرالى زاڭعا وزگەرتۋلەر ەنگىزۋ قاجەت» ، - دەدى دەپارتامەنت ديرەكتورىنىڭ ورىنباسارى.
ايتا كەتەيىك، مەملەكەت باسشىسى قاسىم- جومارت توقايەۆ مەرەكە كۇندەرىنە قاتىستى قولدانىستاعى ءتارتىپتى قايتا قاراۋدى تاپسىرعان بولاتىن.
«ۇكىمەتكە جانە پرەزيدەنت اكىمشىلىگىنە مەرەكە كۇندەرىنە قاتىستى قولدانىستاعى ءتارتىپتى قايتا قاراۋدى تاپسىردىم. ەگەر مەيرام كۇنى جەكسەنبىگە سايكەس كەلسە، كەلەسى كۇن دەمالىس بولىپ سانالادى. كەلەسى كۇن (دۇيسەنبى) بارلىق مەملەكەتتىك قىزمەتشىلەر ءۇشىن جۇمىس كۇنى بولۋى ءتيىس»، - دەپ جازعان ەدى قازاقستان پرەزيدەنتى Twitter- دەگى پاراقشاسىندا.
