قازاقستاندا ەركەكتەر ايەلدەردەن گورى 9 جىلعا از ءومىر سۇرەدى

 دەپ حابارلايدى «قازاقپارات» ح ا ا ءتىلشىسى.

 «قوعامدىق دەنساۋلىق ساقتاۋ دەگەن جەكە ادامنىڭ ەمەس، حالىقتىق اۋقىمدى شارالاردى قامتۋ بولىپ تابىلادى. قازاقستان ازاماتتارىنىڭ ءومىر ءسۇرۋ ۇزاقتىعىن ارتتىرۋ ول وسى قوعامدىق دەنساۋلىق ساقتاۋ قىزمەتىنىڭ باستى ماقساتى. بۇگىنگى كۇنى وكىنىشكە وراي، ەۋروپانىڭ دامىعان ەلدەرىمەن سالىستىرعاندا قازاقستاندىقتاردىڭ ءومىر ءسۇرۋ ۇزاقتىعى 8 جارىم جىلعا قىسقا. ياعني، قازاقستاندا ورتاشا ەسەپپەن ادام 72 جاس ءومىر سۇرسە، ەۋروپادا بۇل كورسەتكىش 80,6 جاستى كورسەتەدى. ال ەندى ەركەكتەر مەن ايەلدەردىڭ اراسىن سالىستىرساق، قازاقستاندا ەركەكتەر ايەلدەردەن گورى 9 جاس از ءومىر سۇرەدى. قازاقستاندا ەركەكتەردىڭ ورتاشا ءومىر ءسۇرۋ جاسى 67,5 بولسا، ايەلدەردىڭ جاسى 76,5»، - دەيدى اينۇر ايىپحانوۆا.

ونىڭ ايتۋىنشا، ەركەكتەردىڭ ايەلدەردەن از ءومىر ءسۇرۋ سەبەبى ءوسىپ كەلە جاتقان ينفەكسيالىق ەمەس اۋرۋلاردىڭ كەسەلىنەن تۋىندايتىن كورىنەدى.

 «مىسالى، قانت ديابەتى، قان قىسىمى، سوزىلمالى اۋرۋلار ادامداردىڭ ومىرىنە قاۋىپ توندىرەتىن نەگىزگى سىرقاتتار. وعان قوسا قازاقستاندا 15-29 جاس ارالىعىنداعىلار جول اپاتىنا ءجيى ۇشىراپ، سۋيتسيدتىڭ كەسەلىنەن ومىردەن وتەتىندىكتەن، قازاقستانداعى جالپى ءومىر سۇرۋ ۇزاقتىعى قىسقا بولىپ وتىر»، - دەيدى ول.

ايتا كەتسەك، و ك ق- دا وتكەن باسپا ءسوز ءماسليحاتىندا د س ۇ وكىلدەرى 2016-2019 -جىلدارعا ارنالعان «دەنساۋلىق» مەملەكەتتىك باعدارلاماسىنىڭ باسىم باعىتتارىنىڭ ءبىرى - قوعامدىق دەنساۋلىق ساقتاۋ قىزمەتىن قۇرۋ باعىتىندا اتقارىلعان جۇمىستارمەن تانىستىردى. قوعامدىق دەنساۋلىق ساقتاۋ قىزمەتىن قۇرۋدىڭ ماقساتى قوعامدىق دەنساۋلىق ساقتاۋ ماسەلەلەرى بويىنشا مۇددەلى تاراپتاردىڭ كۇشتەرىن بىرىكتىرۋ بولىپ تابىلادى.

 اۆتور: ايان بەكەن ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى