دزيۋدو: قازاقستان الەم چەمپيوناتىن 9-ورىنمەن اياقتادى

ق ر دزيۋدو فەدەراتسياسى باسپا ءسوز قىزمەتىنىڭ بەرگەن مالىمەتىنە سۇيەنسەك، قازاقستان جاستار قۇراماسى 3 مەدالمەن 82 ەل ىشىندە توعىزىنشى ورىنعا يە بولدى.

بۇل الەم بىرىنشىلىگىندە مەدالدار سانى بويىنشا جاپونيا جاستارى (8 التىن، 2 كۇمىس، 4 قولا) كوش باستادى. ەكىنشى ورىنعا ازەربايجان دزيۋدوشىلارى (2 التىن، 2 كۇمىس، 1 قولا) جايعاسسا، رەسەي قۇراماسىنىڭ جاستارى (1 التىن، 2 كۇمىس، 2 قولا) ۇزدىك ءۇشىنشى ورىنعا يە بولدى.

الەم چەمپيوناتىنىڭ العاشقى كۇنىندە ابيبا ءابۋجاقىنوۆا (44 كەلى) كۇمىسكە قول جەتكىزسە، باۋىرجان ناربايەۆ (55 كەلى) قولا مەدالعا يە بولدى. جارىستىڭ ەكىنشى كۇنى 73 كەلىگە دەيىنگى سالماق دارەجەسىندە بەلدەسكەن بالۋانىمىز ديدار حامزا قازاقستان قورجىنىنا ەكىنشى قولا مەدال سالدى. وسىلايشا وتانداستارىمىز ءبىر كۇمىس، ەكى قولا مەدالعا قول جەتكىزدى. ال كوماندالىق جارىستا قازاقستان قۇراماسى 5-ورىنعا تۇراقتادى.

ەستەرىڭىزگە سالا كەتسەك، حورۆاتيا استاناسى زاگرەبتە وتكەن الەم بىرىنشىلىگىنە الەمنىڭ 82 ەلىنەن 584 دزيۋدوشى قاتىستى. قازاقستان نامىسىن 20 جاس دزيۋدوشى قورعادى.

اۆتور: كۇنسۇلتان وتارباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى