پويىزدار 9 مارتە تەمىر جولعا شىققان مالدى باسىپ كەتتى
بۇل تۋرالى «ق ت ج» ۇ ك» ا ق باسپا ءسوز قىزمەتى حابارلادى. وتكەن جىلى يەسىز مالدىڭ تەمىر جول بويىنا شىعىپ كەتىپ، پويىز قوزعالىسىنا قاۋىپ ءتوندىرۋ فاكتىسى كوبەيگەن.
ماسەلەن، وتكەن جىلى 134 رەت جولعا شىعىپ كەتكەن مالداردى پويىز باسىپ كەتكەن. بيىل دا 9 وقىس وقيعا قايتالاندى.
ونىڭ ازايۋىنا قورشاۋلار ورناتۋ مەن ءبىرقاتار كەشەندى شارالار سەپتىگىن تيگىزدى.
«جىل سايىن تەمىرجول بويىندا جايىلىپ ءجۇرىپ جولعا شىعىپ كەتكەن مالدىڭ ءولۋى ءجيى ورىن الدى. ول لوكوموتيۆتەر مەن ۆاگونداردىڭ بۇلىنۋىنە، پويىزداردىڭ توقتاپ قالۋىنان ماتەريالدىق شىعىندارعا اكەلىپ سوقتىرادى. اسىرەسە، پويىز قوزعالىسى قاۋىپسىزدىگىنە نۇقسان كەلتىرەدى»، - دەيدى «ق ت ج» ۇ ك» ا ق اتقارۋشى ديرەكتورى - ماگيسترالدىق جەلى ديرەكسياسى» فيليالىنىڭ ديرەكتورى جاراس ءىزعۇلوۆ، قازىرگى تاڭدا 6,7 مىڭ شاقىرىم جول قاۋىپسىزدەندىرىلگەن.
«استانا-الماتى مەن استانا-بۋراباي شيپاجايى تەمىر جولى بويىنداعى 600 شاقىرىمدىق تەلىمگە قورشاۋلار ورناتۋدىڭ جوبالىق-سمەتالىق قۇجاتتارى جاسالۋدا»، - ج. ءىزعۇلوۆ.
ونىڭ سىرتىندا، 370 شاقىرىمدا قورشاۋ جوندەلدى. بيىلعى جىلى 310 شاقىرىمعا قورشاۋ جاساۋ جوسپارلانىپ وتىر.
كومپانيا 2020 -جىلدارعا دەيىن تەمىر جول بويىنا قورشاۋ ورناتۋعا باسىمدىق بەرىپ، جالپى قۇرىلىس كولەمىن 6,5 مىڭ شاقىرىمعا جەتكىزۋدى كوزدەپ وتىر. تەمىرجولشىلار جەرگىلىكتى ەلدى مەكەندەردىڭ باسشىلارى مەن فەرمەرلىك شارۋاشىلىقتارعا حابارلاسىپ، تەمىرجول ماڭىنان مالدىڭ جايىلۋى ءتارتىبىن تۇراقتى قاداعالاپ وتىرۋىن تالاپ ەتۋدە.
