مادريدتىك «رەال» جازدا كريشتيانۋمەن قوسا 9 ويىنشىسىن ساتپاق
«كورولدىك كلۋبتىڭ» پرەزيدەنتى فلورەنتينو پەرەس جازدا كوماندا قۇرامىنا ۇلكەن وزگەرىستەر ەنگىزۋدى جوسپارلاپ وتىر ەكەن. يسپاندىق باسىلىم تاراتقان اقپارات بويىنشا، كلۋب 10 ويىنشىنى ساتىلىمعا شىعارۋى مۇمكىن. ولاردىڭ قاتارىندا كوماندا كوشباسشىلارى كريشتيانۋ رونالدۋ مەن سەرحيو راموس تا بار ەكەن.
سونداي- اق قورعاۋشىلار دانيلو مەن الۆارو اربەلوا، جارتىلاي قورعاۋشىلار كازەميرو، يسكو، توني كرووس، حامەس رودريگەس جانە شابۋىلشى حەسە رودريگەسپەن قوش ايتىسپاق.
«رەال» جازدا ساتىپ الۋعا ەمەۋرىن تانىتىپ وتىرعان ويىنشىلاردىڭ ءبىرى - ەدەن ازار. مادريدتىك كلۋب «چەلسي» ويىنشىسى ءۇشىن 80 ميلليون فۋنت شىعىنداۋعا دايىن.
ايتا كەتەيىك، «رەال» يسپانيا لاليگاسىنىڭ 27- تۋرىن سىرت الاڭدا كوش سوڭىنداعى «ليەۆانتەگە» قارسى وتكىزىپ، 3:1 ەسەبىمەن جەڭىسكە جەتتى. قازىرگى تاڭدا مادريدتىك ۇجىم كوش باسىنداعى «بارسەلونادان» 9 ۇپايعا قالىپ كەلەدى. دەسە دە كاتالوندىق كلۋبتىڭ ەنشىسىندە ءبىر ارتىق ويىنى بار.
