استانالىق سپورتشىلار 9 وليمپيادالىق ليتسەنزياعا قول جەتكىزدى

اتاپ ايتقاندا، بوكستان ۆاسيلي ليەۆيت پەن ۇلتىق قۇرامى كاپيتانى دانيار ەلەۋسىنوۆ، جەڭىل اتلەتيكادان فلوريدا مەنيانوۆا جانە قازىرگى زامانعى بەسسايىستان ەلەنا پوتاپەنكو. ءۇش ليتسەزيا بايداركامەن جانە كانوەمەن ەسۋ بويىنشا سپورتشىلار يننا كلينوۆا، زويا انانچەنكو جانە ولەگ توكارنيتسكيدىڭ ەنشىسىندە. دوسجان كارتيكوۆ پەن المات كەبىسپايەۆ تا ريو-2016 وليمپياداسىندا گرەك-ريم كۇرەسىنەن الەمنىڭ ۇزدىك بالۋاندارىمەن كۇش سىناساتىن بولدى.

ريو-دە-جانەيروداعى جازعى وليمپيادا ويىندارى بيىل تامىزدىڭ 5-21 ءى ارالىعىندا وتەدى.

ايتا كەتەيىك، ءتورت جىلدىق ق ر سپارتاكياداسىندا استانالىقتار جالپى كوماندالىق ەسەپتە ءۇشىنشى ورىنعا تابان تىرەدى، بۇل ەلوردالىق اتلەتتەر ءۇشىن تۇراقتى كورسەتكىش بولىپ تابىلادى.

سپورتشىلار 170 مەدال (56 التىن، 53 كۇمىس، 61 قولا) الدى. قازىرگى كەزدە استانا قالاسىنىڭ دەنە تاربيەسى جانە سپورت باسقارماسى جانىنان 76 سپورت تۇرىنەن جاتتىقتىراتىن 25 كاسىپورىن جۇمىس ىستەيدى. سپورتشىلاردىڭ جالپى سانى - 13753، سوڭعى بەس جىلدا سپورتشىلار كونتينگەنتى ەكى ەسەگە ارتقان. ليتسەنزيالىق جارىستار ءالى دە جالعاسۋدا، باپكەرلەر قازاقستاننىڭ ۇلتتىق وليمپيادا قۇراماسىندا استانالىقتار سپورتشىلار سانىنىڭ ارتا تۇسەتىنىنە سەنىمدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى