الماتى وبلىسىندا جول اپاتىنان 9 ادام قازا تاپتى
«جول اپاتى سەنبىگە قاراعان ءتۇنى تالعار قالاسىنان شىعابەرىستە كەڭدالا كەنتىنە جاقىن جەردە Mitsubishi Lancer كولىگى جۇرگىزۋشىسىنىڭ جول قوزعالىسى ەرەجەسىن بۇزۋى سالدارىنان ورىن الدى، سالوندا 10 جولاۋشى بولعان.
ول قارسى جولاققا شىعىپ كەتىپ، FAW جۇك كولىگىمەن سوعىلعان. اپات سالدارىنان 9 ادام كوز جۇمدى، ونىڭ ىشىندە جەڭىل كولىك جۇرگىزۋشىسى وقيعا ورنىندا اجال قۇشتى»، - دەلىنگەن حابارلامادا.
ءۇش ادام (ىشىندە جۇك كولىگىنىڭ جۇرگىزۋشىسى دە بار) تالعار قالاسىنداعى اۋرۋحانادا جانساقتاۋ بولىمىندە جاتىر. اپات فاكتىسى بويىنشا سوت الدى تەرگەۋ جۇرگىزىلۋدە.
