اقتاۋدا ماڭعىستاۋدىڭ داڭقىن شىعارعان ادامدار تۋرالى 9 تومدىق ەڭبەك تانىستىرىلدى
شىعارماشىلىق كەشكە ءوڭىردىڭ بەلگىلى قايراتكەرلەرى، جازۋشىلار، عالىمدار مەن ولكە تانۋشىلار قاتىستى. قوناقتارعا جەتىباي جىلقىشى ۇلىنىڭ شىعارماشالىعى جايلى فيلم كورسەتىلدى، ول ءوزىنىڭ بۇكىل ءومىرىن تانىمال ماڭعىستاۋلىق سۋىرىپ سالما اقىنداردىڭ، بيلەردىڭ، باتىرلاردىڭ، ەمشىلەردىڭ شىعارمالارىن جيناپ، زەرتتەپ، جىكتەۋگە ارنادى.
اۆتور كىتاپتارعا ماتەريالدار جيناۋعا 20 جىلىن ارنادى، تاعى 10 جىل كوپ تومدىق ەڭبەكتى جازۋعا كەتتى. بۇل جۇمىس بۇدان الدەقايدا بۇرىن اياقتالعان بولاتىن، الايدا جازۋشى كىتاپتى باستىرۋعا قارجى تابا المادى. وعان بۇل جولى بولات تايجان اتىنداعى قوردىڭ باسشىلىعى - ەكونوميست، عالىم مۇحتار تايجان قولداۋ كورسەتتى.
«بۇل ەسىمدەر ءتىزىمى ەمەس، ماڭعىستاۋ ولكەسىنىڭ تاريحى، ۇلتتىق داستۇرلەر تۋرالى تۇتاس ەتنوگرافيالىق ەنتسيكلوپەديا»، - دەپ اتاپ ءوتتى تانىمال ولكە تانۋشى، وبلىستىق تاريحي-ولكە تانۋ مۇراجايىنىڭ قىزمەتكەرى وتىنشى كوشبايەۆ.
اۆتور قايتىس بولار الدىندا عانا باسىپ شىعارىلعان كىتاپتاردا كوپتەگەن تاريحي قۇجاتتار، ەستەلىكتەر، اداي رۋى ۇرپاقتارىنىڭ گەنەالوگيالىق شەجىرەسى كەلتىرىلگەن.
شەجىرە ماتەريالدارىندا اتا-تەك شەجىرەسى، رۋلىق-تايپالىق قاتىناستار جونىندە اڭگىمەلەر، سحەمالار، تىزىمدەر بەرىلگەن، سونداي-اق ءماتجان ءبي، شوعى باتىر، ەر قوساي سياقتى تاريحي تۇلعالاردىڭ ءومىر دەرەكتەرى كەلتىرىلگەن.
سونداي-اق كەشكە قاتىسۋشىلارعا جازۋشىنىڭ جەكە زاتتارى - شاپانى، جازۋ ماشينكاسى، اساتاياعى، ماندوليناسى، بىرنەشە جاريالانعان جانە ءالى باسپا بەتىن كورمەگەن جۇمىستارىنىڭ كورمەسى ۇيىمداستىرىلدى.
