ايگىلى فۋتبولشى 9 جىل وتاسقان جارىمەن نەگە اجىراسپاق؟
فۋتبولشى مەن جارى كارولينا سەليكو ءوزارا كەلىسىمنىڭ ناتيجەسىندە مۇنداي قادامعا بارىپ وتىرعانىن ايتقان. 2005-جىلى شاڭىراق كوتەرگەن وتباسىندا 6 جاسار لۋكا ەسىمدى ۇل مەن 3 جاسار يزابەللا ەسىمدى قىز بار. بۇل نارەستەلەر دە ەكى جاستى رايىنان قايتارماعان كورىنەدى.
- ءبىز ءوزارا كەلىسىم ناتيجەسىندە اجىراسۋدى ءجون سانادىق، - دەپ وتىر جۇبايلار.
شەتەلدىك بۇقارالىق اقپارات قۇرالدارى كاكا مەن كارولينانىڭ اجىراسۋىنا 2013-جىلى برازيليانىڭ ەڭ سۇلۋ ارۋى اتانعان جاكلين وليۆەيرانى سەبەپكەر رەتىندە قاراۋدا. شابۋىلشى مەن برازيليالىق سۇلۋ اراسىنداعى قارىم-قاتىناس وسىدان ءبىر جىل بۇرىن دا ايتىلعان بولاتىن. ءبىراق، ول كەزدە كاكا مەن جارى اقپاراتتى جالعانعا شىعارعان ەدى.
قازىرگى تاڭدا كاكا كەلىسىم-شارت بويىنشا MLS ليگاسىنداعى «ورلاندو سيتي» كومانداسى قۇرامىنداعى ويىنشى بولىپ سانالادى. ءبىراق، كلۋب فۋتبولشىنى 2015-جىلدىڭ ناۋرىز ايىنا دەيىن سپورتتىق مانسابىن باستاعان «سان-پاۋلۋعا» جالعا بەرىپ وتىر.
massaget.kz
