اقتوبەدە 9 جاسار قىزعا تاپ بەرگەن ەر ادام ىزدەستىرىلۋدە
ءى ءى د باسپا ءسوز قىزمەتىنەن حابارلاعانداي، ەر ادام قىزدىڭ ارت جاعىنان كەلىپ، ۇستاپ العان. قاسىنان ءوتىپ بارا جاتقان ايەل «بالانى جىبەر!» دەپ ايعايلاعان كەزدە ول تۇرا قاشقان.
قىز دا قورىققاننان ۇيىنە قاشىپ كەتكەن، الايدا ول وزىنە تاپ بەرگەن ادامنىڭ كىم ەكەنىن بىلە المادى، فوتوروبوتىن دا جاساي المادى.
«قىزدىڭ اتا-اناسى پوليتسياعا شاعىمداندى. ءبىز ىزدەۋ شارالارىن جۇرگىزدىك. الايدا فوتوروبوتسىز بۇل ادامدى تابۋ مۇمكىن ەمەس. بار ءۇمىتىمىز، بولعان وقيعانىڭ كۋاگەرى، كومەككە شاقىرعان ايەل بىزگە بۇل ىستە ءبىزدى ەستىپ، كومەكتەسەدى دەگەن ويدامىز»، - دەيدى ءى ءى د باسپا ءسوز حاتشىسى ارداگەر ۋايدين.
