قىزىلوردادا ءۇش جىلدا 99 جوباسى ىسكە قوسىلادى

بۇل تۋرالى وبلىستىق اۋىلشارۋاشىلىعى باسقارماسىنىڭ ەسەبىندە باياندالدى، دەپ حابارلادى قازاقپارات. شيەلى كەنتىندە ج ك «ءمولدىر ي ك» قۋاتتىلىعى جىلىنا 3,5 ميلليون دانا جۇمىرتقا وندىرەتىن قۇس فەرماسىن ىسكە قوستى. قازىرگى تاڭدا قۇس فەرماسىندا 11 مىڭ باس تاۋىق جۇمىرتقا سالۋدا. جىل سوڭىنا فەرمانى 65 توننا قۇس ەتىن وندىرۋگە باعىتتاپ، جوبانى كەڭەيتۋدى مەجەلەۋدە.

سونداي-اق، كەنتتە شۇبات وڭدەۋ سەحى ىسكە قوسىلدى. بۇگىنگى كۇنى سەح بازاسىندا «ءتورت تۇلىك» ا و ك قۇرىلىپ، تاۋلىگىنە 1 توننا شۇبات ونىمدەرىن ءوندىرىپ وتىر.  قىزىلوردا قالاسىندا ج ك «ناتيشايەۆا» 5 گەكتار اۋماققا 120 جىلىجاي كەشەنىن، 1 گەكتارعا كوكونىس جانە باقشا داقىلدارىن ءوسىرۋ جوباسىن ىسكە قوستى.

قازىرگى ۋاقىتتا جوندەۋ جۇمىستارى تولىق اياقتالىپ، 46 جىلىجايعا كوكونىس وتىرعىزىلىپ، جۇمىستارى جالعاسۋدا. سونىمەن قاتار، وسى جىلى اۆتوماتتاندىرىلعان 1 جىلىجاي، قۋاتتىلىعى جىلىنا 1500 توننالىق قۇس ەتىن وندىرەتىن قۇس فابريكاسى، قوي بورداقىلاۋ الاڭى مەن جىلىنا 250 توننا قوزى ەتىن وندىرەتىن كەشەن، جىلدىق قۋاتتىلىعى 2 مىڭ توننا ەت كومبيناتى جانە 200 گەكتار تامشىلاتىپ سۋارۋ ادىسىمەن قىزاناق ءوسىرۋ جوباسىن جۇزەگە اسىرۋ جوسپارلانۋدا.

اۆتور: ەلۋباي اۋەزوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى