اباي وبلىسىندا بيىل 99,7 مىڭ گەكتار جايىلىم مەملەكەتكە قايتارىلعان
بۇل تۋرالى ايماق باسشىسى نۇرلان ۇرانحايەۆ ورتالىق كوممۋنيكاتسيالار قىزمەتىنىڭ اباي اتىنداعى وبلىستىق امبەباپ كىتاپحاناسىندا وتكەن كوشپەلى بريفينگىسىندە ايتتى، دەپ حابارلايدى قازاقپارات ءتىلشىسى.
«اۋىل شارۋاشىلىعى ماقساتىنداعى پايدالانىلماي جاتقان جەردى قايتارۋ جۇمىستارى ءجۇرىپ جاتىر. جالپى اۋدانى 297,7 مىڭ گەكتار بولاتىن جەر ۋچاسكەلەرى انىقتالدى. بيىل ازىرگە مەملەكەت مەنشىگىنە 99,7 مىڭ گەكتار پايدالانىلمايتىن جايىلىم جەرى قايتارىلدى»، - دەدى ن. ۇرانحايەۆ.
اكىمنىڭ ايتۋىنشا، بۇل سالادا بىرنەشە ينۆەستيتسيالىق جوبا قولعا الىنعان.
«اگروونەركاسىپ كەشەنىن دامىتۋ باعىتىندا جالپى قۇنى 5,6 ميلليارد تەڭگە بولاتىن 9 ينۆەستيتسيالىق جوبانى ىسكە اسىرۋ جوسپارلانعان»، - دەدى وبلىس اكىمى.
