قازاقستاندا ارحيۆ قۇجاتتارىنىڭ 98 پايىزى ورتتەن قورعالماعان عيماراتتاردا ساقتاۋلى تۇر

مادەنيەت جانە سپورت مينيسترلىگى جاريالاعان رەتتەۋشىلىك ساياساتتىڭ كونسۋلتاتيۆتىك قۇجاتىندا وسىنداي ماسەلە كوتەرىلگەن، دەپ حابارلايدى قازاقپارات ءتىلشىسى.

«مەملەكەتتىك ارحيۆتەردىڭ %97,8 قۇجاتتاردىڭ ساقتالۋىن، ءورت قاۋىپسىزدىگىن قامتاماسىز ەتۋ جانە مۇمكىندىگى شەكتەۋلى ادامدارعا جاعداي جاساۋ بولىگىندە زاڭناما تالاپتارىنا ساي كەلمەيتىن عيماراتتاردا ورنالاسقان. بۇل كەيىنگى ۇرپاق ءۇشىن ەلدىڭ مول مۇراسىن جوعالتۋ قاۋپىن تۋعىزادى»، - دەلىنگەن قۇجاتتا.

مينيسترلىك ماسەلەنىڭ سەبەبى رەتىندە جەرگىلىكتى اتقارۋشى ورگاندار قۇزىرەتىنىڭ جەتپەي وتىرعانىن كورسەتكەن.

«بۇگىنگى تاڭدا رەسپۋبليكالىق بيۋجەتتەن وڭىرلەردە مادەنيەت وبەكتىلەرىن سالۋعا ترانسفەرت ارقىلى قاراجات بولىنەدى. الايدا، جەرگىلىكتى اتقارۋشى ورگانداردىڭ سالالىق زاڭدا ءتيىستى قۇزىرەتى جوقتىعىنا بايلانىستى ونى مەملەكەتتىك ارحيۆ عيماراتىن سالۋعا جانە رەكونسترۋكتسيالاۋعا جۇمساۋعا مۇمكىندىگى جوق»، - دەپ جازىلعان كوسۋلتاتيۆتىك قۇجاتتا.

ۆەدومستۆو دەرەگىنە ساي، 2000-2018-جىلدار ارالىعىندا ق ر ۇلتتىق ارحيۆى، الماتى، شىمكەنت قالالارى مەن الماتى جانە قىزىلوردا وبلىستارىنىڭ ارحيۆتەرى زامانۋي جابدىقتارمەن قامتىلعان.

سونىمەن قاتار، وسى ارالىقتا بارلىعى 5 مۇراعات نىسانى پايدالانۋعا بەرىلدى.

اقتوبە، باتىس قازاقستان وبلىستارىنداعى وبلىستىق ارحيۆتەردىڭ نەگىزگى عيماراتى كەڭەيتىلگەن.

دەگەنمەن بۇل جۇمىس جەتكىلىكتى كولەمدە قۇجات ساقتاۋعا مۇمكىندىك بەرمەي وتىر. اتاپ ايتقاندا، ەلىمىزدەگى 13 وبلىستىڭ مەملەكەتتىك ارحيۆتەرى %100 تولعان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى